Diario Vasco
Short Days. Lilletik datoz.
Short Days. Lilletik datoz.

Gaur Gaztetxean hiru talderen kontzertua eta kamiseta lehiaketa izango da

  • Iluntzeko 20:30etatik aurrera, Frantziatik datozen Barren? eta Short Days arituko dira Getariako Oki Moki taldearekin

Igande arratsalde honetarako Gaztetxetik kontzertu bat iragartzen dute. Bertan Fran-tziatik datozen bi talde entzun ahal izango dira eta beraiekin herriko talde baten lehen kontzertua ere bai, Oki Moki (lo-fi pop/punk).

Frantsesak Paris eta Lilletik datoz. Barren? (Anarchopunk) kapitaletik dator eta Short Days (punk melodikoa) Lilletik. Pariseko taldea duela bi urte sortu zen eta emanaldi asko eginak ditu denbora honeta, azkenak Rouen eta Bordeauxen. Handik datoz gurera eta jarraian Zaragoza eta Bartzelonara bidaiatuko dute. Short Day Lilleko musika taldea da eta Parisekoarekin batera egiten ari da bidaia. Gaur Getarian daude eta gero elkarrekin joango dira lehenago aipaturiko herrietan jotzera, aste hau osatzeko asteazkenean Toulouse, ostegunean Grenoble, ostiralean Lyon eta larunbatean Parisen arituko dira.

Kamiseta lehiaketa

Gaztetxeko kideak kontzertu erakargarri hau iragartzen dute baino ez da proposatzen duten ekimen bakarra. Getariako Gaztetxeko kamixeta diseinu lehiaketa batera deia luzatzen dute baita ere.

Arautegi laburra du eta anima-tzen dituzte denak parte hartzera. Eskuz edo ordenagailuz egin daitezke diseinuak eta prestatutako lan bakoitza ondorengo helbidera bidali behar da, ggakamixeta@gmail.com. Kamixetaren diseinuan derrigorrezkoa izango da GGA-ko (Getaiko Gazte Asanblada) azaltzea eta gehienez hiru kolore erabili ahal izango dira. Irabazlearentzat saria GGA-ko kamixeta izango da. Nor den irabazlea otsailaren 23ko asanbladan erabakiko da. Diseinuak aurkezteko azken eguna otsailak 22.

Recibe nuestras newsletters en tu email

Apúntate