Diario Vasco

Aterkiak jarriko dituzte Zestoako dendariek, bezeroari babesa eta gertutasuna eskainiz

Sariak. Pianista bikainak herrian ditugunak.
Sariak. Pianista bikainak herrian ditugunak. / K. A.

Zestoan Merkatari Elkarteko denda eta tabernetan bezeroek erabili ahal izateko aterkiak eskainiko dira aurrerantzean. Horrela, merkatarien ekimen honi esker, «euria hasi eta aterkiaren beharra duten bezeroek, beti izango dute Zestoako dendetan aterki bat, erabili eta berriro dendara itzultzeko», adierazi dute.

Ekimen honek badu alde sinbolikoa ere, dendariek herritarrei zerbitzu eta tratu on bat eskaintzeaz gain, «aterkia, euritik babesteko erabiltzen dugun tresna izanik, bezeroari eskaintzen dioten gertutasuna eta babesa adierazi nahi dira ekimen honekin». Aterkiak daraman esaldiak dioen bezala, 'Zestoa, uste baino gehiago'. Beraz, badakizue, hartu, erabili eta euritik babestu... herriko dendetan.

Musikari sarituak

Atzo zortzi ospatu zen Andoaingo XII. piano jaialdian Oihane Alberdi, June Karrera eta Ioritz Agirrek parte hartu zuten.

Hirurak sari potoloak irabazi zituzten, urrezko, zilarrezko eta brontzezko dominak eskuratu baitzituzten.

Recibe nuestras newsletters en tu email

Apúntate