Diario Vasco

Sicted programan izena emateko azken egunak Udal Elkartean

Ziurtagiria. Lortu ahal izateko programa laster hasiko da.
Ziurtagiria. Lortu ahal izateko programa laster hasiko da. / AMAXKAR
  • Programa hau, turismo sektoreari zuzenduta, kalitatea hobetzeko prestatu da eta otsailaren 15ean hasiko da

Turismo sektoreari zuzendutako kalitatea hobetzeko SICTED programa otsailaren 15ean hasiko da. Aurten izena ematen duten enpresek 6 prestakuntza saio eta 2 tailer egin ondoren, ziurtagiria lor-tzeko aukera izango dute. Datorren asteazkenean hasiko denez, izena emateko azken egunetan aurkitzen dira interesatuak.

Programa honen helburua sektore turistikoa profesionalizatzea da, horren bidez turismo eskaintzaren kalitatea hobetzeko. Urteotan Getaria, Aia, Orio, Zarautz eta Zumaiako turismo sektoreko hirurogei enpresa baino gehiagok lortu dute programa horren ziurtagiria eta orain 2017ra begira deialdi berri bat luzatzen da nahi dutenek bertan parte har dezaten eta beste enpresa horiek bezala ziurtagiria lor dezaten. Sicted izendapen bat da, Espainiako Industria, Turismo eta Merkataritza Ministerioak Eusko Jaurlari-tzako Industria, Berrikuntza, Merkataritza eta Turismo Sailak, Basquetourrek eta helmugaren kudeatzaileak ematen dutena. Helburua da, turismo-sektorea profesionaliza-tzea, turismo-enpresen barneko kudeaketa ziurtatzea eta bezeroak gustura izatea, eta instalazioak seguruak eta erosoak izatea bermatzen duten prozesuak kontrolatzea.

Programa honen onuradunak bi multzotan banatzen dira, alde batetik turismo helmugak (udalerriak, udalerri multzoak, eskualdeak eta gune turistikoak) eta bestetik helmuga horretan turismoarekin lotutako zerbitzuak eskaintzen dituzten erakunde txikiak eta ertainak.

Informazio eta izen ematea Getariako Turismo Bulegoan edo Urola Kostako Udal Elkartean, Enpresentzako Zerbitzuak (Idoia Etxarri), 943.89.08.08 telefono zenbakian, enpresa@urolakosta.eus posta elektronikoan edo www.urolakosta.eus weborrian.

Recibe nuestras newsletters en tu email

Apúntate