Diario Vasco

Markak hautsi ditu Getariako txakolinak 2016. urtean

Txakolin Eguna. Emilio Ostolaza, Ainhoa Aizpuru eta Ruth Mozo, Txakolin Egunaren aurkezpenean Gipuzkoako Foru Aldundian.
Txakolin Eguna. Emilio Ostolaza, Ainhoa Aizpuru eta Ruth Mozo, Txakolin Egunaren aurkezpenean Gipuzkoako Foru Aldundian. / ORAIN
  • Iazko uztaren produkzioa 4.255.000 kilora heldu zen eta 3.800.000 botiletara. Salmenten errekor urtea ere osatu dute upategiek

Datorren asteartean San Anton jaien baitan eta ohiturari jarraituz Txakolin Eguna izango da Getarian. Festaren eta 2016. urteko uztaren aurkezpena egin zen atzo Gipuzkoako Foru Aldundian. Bertan izan ziren Txakolinaren Eguna aurkezten Ainhoa Aizpuru, ekonomia sustapena, landa ingurunea eta lurralde orekako diputatua, Emilio Ostolaza, Getariako txakolina jatorri deiturako presidentea, eta Ruth Mozo, Getariako Txakolina jatorri deiturako idazkaria.

Errekor urtea izan dela aipatu behar da 2016a, bai ekoizpenari dagokionez eta baita salmentei dagokion arloan. 2016ko uztaren produkzioa 4.255.000 kilo eta batez beste 3.800.000 botilakoa izan da. Getariako Txakolina ia guztia txakolin zuria egiten da, hau da, %94a. Gainontzeko %6a ia guztia txakolin gorria egiten da, txakolin beltzaren elaborazioa anekdotikoa izanik. Azken urteetan txakolin gorriaren elaborazioa handitu egin da Estatu Batuak eta Ingalaterra bezalako kanpoko merkatuentzat.

Jatorri Deituraren 27 urte hauetako ibilbidean, salmenten errekorreko urtea izan 2016. Gipuzkoak jarraitzen du oinarrizko merkatu izaten. Euskal Autonomia osoa %80arekin. Estatu mailan nagusiki Madril eta Bartzelona %10arekin eta azkenean %10 kanpora esportatzen dute: Estatu Batuetara %67a, Frantziara %10a, Ingalaterrara %7a eta %10a Japoniara. 2015-2016 denboraldian, inskribatuak dauden upategien %70a Jatorri Izendapeneko produkzio osoaren %10a esportatu dute. Honek esan nahi du aurreko uztarekin alderatuz esportazioa %36 handitu dela.

Ainhoa Aizpuruk, jatorri izendapenaren elkarteak, txakolinaren alde egindako lan guztia azpimarratu zuen eta Getariako Txakolinaren aldeko konpromisoa adierazi. Gipuzkoako Foru Aldundiak urte asko daramatza txakolinaren alde lanean. Urtero jatorri izendapenarekin elkarlan hitzarmen bat sinatzeaz gain, departamentuari dagozkion kontrolak egiten dira eta Fraisoro laborategiaren bitartez zerbitzu ezberdinak eskaintzen zaizkio sektoreari.

Ekonomia sustapena, landa ingurunea eta lurralde orekako departamentuak, ahalegin ekonomiko eta pertsonal garrantzitsu baten ondoren, mahasti esperimental bat landatu du Fraisoron. Proiektu honen helburua Hondarribi zuri eta Hondarribi beltza barietateen aberastasun genetikoak sendotzea da. Gainera, 'alderaketa lursail' gisa diseinatu da landaketa, etorkizuneko klonazio eta osasun aukeraketa posible baterako.

Aldi berean, mahastizainek mahasti hau erabili ahal izango dute esperimentazio zentro frogagarri gisa, euren ezagutza areagotzeko eta bertan lortutako produktuen kalitatea hobetzeko. Mahasti hori mahastizain eta upategi berriek jarduera berriekin hasi daitezen bideratuko da. Landaketa honen helburua ez da ekoizpenean oinarritzen, barietate-kontserbazioaren eta barietate autoktonoen kudeaketa eta ezagutzan sakontzea baizik.

Gipuzkoan inskribatutako guztirako azalera 427 hektareakoa da eta 150 mahastizale daude mahastietan lanean. 2016. urteko uztan inskribatuak dauden upategiak 33 dira eta hauetatik hamabi Getarian kokatuak daude.

Recibe nuestras newsletters en tu email

Apúntate