Diario Vasco

Bale talaien inguruko ibilbideak

Hiru ibilbide. San Anton igoera hasieran topatuko dugu panel hau xehetasun guztiekin.
Hiru ibilbide. San Anton igoera hasieran topatuko dugu panel hau xehetasun guztiekin. / AMAXKAR
  • Getaria eta Zarauzko Turismo Bulegoek hiru proposamen egin dituzte bisitarientzat

  • San Anton talaia, kostaldeko bidea eta bide zirkularra nola egin azaltzen dute panel eta seinaleen bitartez

Aski ezagunak dira talaiak, gure kostalde malkartsuetan kokatuta zeuden komunikazio-azpiegiturak zirenak iraganean. Behatzea eta albisteak helaraztea ziren talaiaren funtsio nagusiak, komunitateen iraupen ekonomikorako ezinbestekoak ziren funtzioak, hain zuzen, baleen eta arrain sarden edota helmugako portura atoian eraman behar ziren merkataritza itsasontzien berri emateko erabiltzen ziren, galerna edo ekaitza zetorrela abisatzeko ere. Horrez gain, kortsarioen eta gerraontzien berri ematen zen, halakorik ikusten bazen edota beste portu lehiakide batzuetako itsas zirkulazioa kuantifikatzeko eta kontrolatzeko ere erabiltzen zen.

Orain Getaria eta Zarauzko Turismo Bulegoek talaiak ezagutu, bere eginkizunak plazaratu eta bide batez ibilbide politak proposatzen dituzte. Panelak eta seinaleak jarri dira hiru ibilbide egin ahal izateko. Lehenengoa San Anton talaia ezagutzeko, 1,7 kilometroko luzera du eta ordu erdi batean burutu daiteke. Bigarrenean kostaldeko bidearen berri ematen da, Getaria eta Zarautz lotzen dituena itsaslabarrak inguratuz. 4 kilometroko luzera du eta ordu eta hamar minututan egin daiteke.

Azkenik hirugarrenean, bide zirkularra, bi aurreko ibilbideak jarraian egin eta Zarautzen Santa Barbara auzora bidaltzen gaitu, Santa Kruz talaia bisitatuz. Gero Eitzagatik berriro Getariara. 10, 6 kilometroko luzera eta 3 orduko iraupena.

Recibe nuestras newsletters en tu email

Apúntate