Diario Vasco
Bihar gauean etorriko dira erregeak Akua aldetik.
Bihar gauean etorriko dira erregeak Akua aldetik. / K. A.

Bihar etorriko dira Errege Magoak Akua bailaratik

  • 18:30ak aldera iritsiko dira, dirudienez, herriko elizara

Bihar, errege egun bezpera dela medio, Errege Magoak Akua aldetik etortzea espero da, arratsaldeko 18:30ak aldera edo.... Hasiera batean elizara joango omen dira beraien zaldietan, paje laguntzaile eta guzti, bertan Errege Magoek haur jaio berriari adorazioa egiteko asmoz.

Ondoren, Gisasola egoitzara joango dira eta amaitzeko Erdikaletik gorantz elizara bueltatuko dira, oraingo honetan bertaratzen diren txikien eskutitzak jasotzera. Hau dena Zestoako Musika Bandaren laguntzarekin egingo dute, noski.

Bolumen handiko bilketa

Etzi, urtarrilak 6, jai eguna izanik, Bolumen handikoen (altzariak, etxetresnak...) bilketa bezperan, ostegunean, egingo da Zestoan. Herritarrek gaur gauean atera beharko dituzte hondakinak, eta ostegun goizean pasatuko dira bilketa egitera.

Gogoratu nahi da, hala ere, jai egunik ezean, hileko aurreneko eta hirugarren ostiraletan pasatuko direla bilketa egitera, eta herritarrek bezperan gauez atera beharko dituzte trasteak kalera. Bilketa egunak errespetatzeko dei egiten zaie herritar denei, kaleak txukun izateko eta hondakinen pilaketak ekiditeko.

Recibe nuestras newsletters en tu email

Apúntate