Naiara Mantzizidorrek eta Jugatz Oleagak irabazi zuten Zaldibarren

Naiara eta Jugatz nagusitu ziren berriro ere Zaldibarren. /
Naiara eta Jugatz nagusitu ziren berriro ere Zaldibarren.

Euskal Herriko trikitilari gazteen XXV. edizioko txapela eskuratu zuen bikote gazteak

DV

Itziarko Naiara Mantzizidorrentzat eta Aizarnazabalgo Jugatz Oleagarentzat izan zen igandean Zaldibarko Olazar pilotalekuan jokaturiko Euskal Herriko trikitilari gazteen XXV. edizioko txapela. Gustura aritu ziren elkarrekin pieza guztiak jotzen aspaldidanik trikitilari bikote gisa plazarik-plaza dabiltzan gazte hauek eta iazko moduan, Zaldibarko txapela eta garaikurra eskuratu zituzten.

Guztira, bikote gazteak 68 puntu atera zuen eta bigarren sailkatuak oso hurbil geratu ziren, hain zuzen 67,3 punturekin, Eneko Arbeo azpeitiarra eta Mireia Ibabe bergaratarrak osatzen duten bikotea.

Jaiotza berria

Nahier Azkue Rodriguez mutikoa jaio da duela egun batzuk Aizarnazabalen; zorionik beroenak bere guraso Carmen Paz eta Joseba Andoniri.

Contenido Patrocinado

Fotos

Vídeos