Diario Vasco

Euskararen asteburuak Patxi Saiz eta Mor More kontzertuan izango ditu gaur gauean

Bersiyo Gaua. Azkenean gau eder bat igaro zuten Gaztetxian musika estilo ezberdinekin.
Bersiyo Gaua. Azkenean gau eder bat igaro zuten Gaztetxian musika estilo ezberdinekin. / GGA
  • Getariako Gazte Asanbladak eta Udalak antolatutako egitaraua igandera arte luzatzen da

Euskararen Nazioarteko Egunaren inguruan Udalak eta Getariako Gazte Asanbladak egitarau oparoa prestatu dute. Atzo hasi zen euskarazko film laburren emanaldiarekin eta gaur jarraitzen du Patxi Saiz getariarra eta Mor Moreren kon-tzertuarekin, 22:30ean Gaztetxian. Sarrerak dagoeneko salgai daude 6 eurotan Sokoa, Harralde eta Harritarten.

Bihar, eguerdiko 12:00etan bideo lehiaketako sari banaketa egingo da. Bi kategoriatan banatuta dago lehiaketa eta epaimahai batek kategoria bakoitzeko bi onenak aukeratuko ditu eta jakitera emango bihar. Sariak gaztetxoen kategorian bi dira, 60 euro lehenengoarentzat eta 40 euro bigarrenarentzat. Helduen kategorian ere beste bi, 120 euro onenarentzat eta 80 euro bigarren bideoarentzat.

Arratsaldean plazatik hasita triki-kantu poteoa egingo da 19:30etik aurrera trikitilarien laguntzarekin. Eta gosetu direnak indarrak berritu eta bertsoak entzuteko aukera izango dute, bertso afaria antolatuta bait dago Gaztetxian gaueko 21:00etan hasita.Getariako Bertso Eskolako bertsolariak arituko dira, D. Olano, L. Goenaga eta I. Altuna. Bertara joateko txartela aurrez har-tzen dutenak 12 euro ordainduko dituzte eta egunean egiten dutenak berriz 14. Txartelak toki berean.

Igandean Iturzaeta Herri Eskolako aretoan antzerkia antolatu dute. Jose Ramon Soroiz eta Iker Galartza antzezle ezagunak (Txalo konpañia) 'Erdi Bana' antzezlana ekarriko dute Getariara. Arratsaldeko 19:00etan emango zaio hasiera komedia honi.

Temas

Recibe nuestras newsletters en tu email

Apúntate