Eskuz binakako txapelketa nagusia gaur gauean hasiko da Zestoan

Bestalde, pilota elkarteak 20 urtetik beherako Zestoarrentzat sarrerak 10 euroko prezioan jartzea erabaki du.

Ekitaldiak

Gurutze Jubilatu elkartekoek Jubilatuen Astearen baitan antolatuta, gaur arratsaldean, 18:00etan hasita, tortilla pintxoak eta gaztaina erreak dastatu ahal izango dituzte jubilatuen elkartera inguratzen diren lagunek.

Bihar, goizeko 10:00etan hasita, Bide Osasuntsua deituriko ibilaldiari hasiera emango zaio kiroldegiko aterpean, eta itzulia egin ostean pintxo dastaketa izango da toki berean.

Eta Jubilatuen Asteari behar bezalako amaiera emateko, igandean ohiko elkarte bazkaria izango dute Bainuetxean. Lehenik, eguerdiko 12:00etan, hilberriak direnen aldeko meza ospatuko dute elkarteko kideek.

Futbola

Asteburu honetan hiru partida lehiatuko dira Iraetako zelaian, bi larunbatean eta bat igandean. Bihar, arratsaldeko 16:00etan, gizonezko Jubenilen ohorezko mailan aritzen den taldea denboraldiko lehenengo garaipena lortzen saiatuko da, Euskalduna taldearen aurka.

Aurrez, goizeko 11:30etan, Kadete mutilak azpeitiako Lagun onak taldearen aurkako derbya jokatuko dute. Bihar aldiz, infantil neskek jokatuko dute, 11:30etan, Urolaren aurka.