Diario Vasco

Euskararen Egunaren inguruan ekitaldiak Zaragueta eskolan

Euskararen Eguna ospa-tzeko Zaragueta Herri Eskola hainbat ekitaldi burutzen ari da eta bihar, ostirala, abenduaren 2an jarriko zaie amaiera ekitaldi horiei. Horien artean, aurreko urteetan bezala, herritarren artean euskarazko liburuen truke azoka indartu nahian jarraituko du irakurzaletasuna eta liburuen berrerabilpena bultzatu asmoz.

Eta biharko egunari dagokionez, gai nagusia Imanol Urbieta izango da Zaragueta eskolan. Goizeko 10:45ean kantu saio hasiko da, eta hau amaitu eta gero, ikastetxe osoko ikasleekin argazkia aterako da.

Segidan, horma-irudia osatuko dute argazki eta abestiekin. Arratsaldean, berriz, ikasgela bakoitzean filmak ikusiko dira ea ondoren liburu truke azoka egingo da eskolako atarian.

Aurtengo berrikuntza bezala, Euskaraz eta kitto erronka jarriko dute abian. Bertan, eskolako gurasoek eta langileek parte hartuko dute euskara sustatzeko eta lau haizetara zabaltzeko asmoarekin.

Liburuen truke azokari dagokionez, bete beharreko baldintzak: euskaraz idatziak izatea eta egoera onean eta osorik egotea.. Ekimenak bi fase ditu. Batetik, liburu bilketa egin da pasa diren azaroak 23 eta 28an, egoera onean daudela egiaztatu ondoren, truke azokarako txartela eman da (haur, gazte edo helduen literatura). Biharko liburu truke egunean, txartel bakoitza sailkapen bereko edozein libururengatik trukatu ahal izango da. Zaragueta Herri Eskolan 15:30etik 16:30era eta kultur etxearen aurrean 17:00etatik 17:45era.

Recibe nuestras newsletters en tu email

Apúntate