Diario Vasco

Zumarte abesbatza 'Gautena gure erara' egitasmoan izango da igandean

Zumarteko akordeoi jotzaileak Arrasaten izango dira abenduan.
Zumarteko akordeoi jotzaileak Arrasaten izango dira abenduan. / ARANBERRI
  • Kontzertu eguerdiko 12:30ean Kursaaleko kubo txikiko auditorioan izango da ekitaldia

Zumarte abesbatzak, Donostia 2016aren barne, 'Gautena gure erara' izena duen egitasmoan parte hartuko du datorren igandean, abenduaren 4an.

Ekimen hau Gautena elkartearekin batera (autismoa eta garapeneko bestelako nahasmendu orokorrak dituzten haurren gurasoen Gipuzkoako elkartea) oso estuki lan eginez osatu da eta horretarako hiru balio hartu dira oinarritzat, autismoa dela-eta heziketa-premia bereziak dituzten haurren heziketarako eta garapenerako modu generikoan ezarrita dauden balio guztien artetik. Printzipioak, proiektu honetan Euskal Herriko Abesba- tzen Elkarteak bere gain hartuak, honako hauek dira: integrazioa, normalizazioa eta gizarteratzea. Helburua, beraz, musika korala eta horren inguruan sortzen den garapen sozio-emozionalaren dinamika baliatuz balio horiek lortzen saiatzea da. Ondorioz, proposamen honetan abesbatzen arloa bitarteko praktiko bat bakarrik izango da (inola ere ez helburua) eta modu transbertsalean gizartea sentsibilizatzen saiatuko da. Honako Abesbatza hauek parte hartuko dute: Ametsa Txiki (Irun), Zaria Koru Eskola (Errenteria), Pasaia Abesbatza taldea (Pasaia), Araoz Gazte (Donostia), Zumarte Abesbatza (Usurbil) eta Ganbara Txiki (Oñati).

Igandean eguerdiko 12:30ean Kursaaleko Kubo txikiko auditorioan izango da ekitaldia. Kontzertu horretan abesbatza bakoitzak bere aktuazio txikia egiteaz gain, beste koruekin Argiaren Mintzoa izena duen kantata bat abestuko du. Sarrerak honako helbidean eskuratu daitezke http://www.kursaal.eus/es/agenda/gure-erara/

Bestalde, Zumarte Musika Eskolako akordeoiko ikasleak, abenduaren 8tik 11ra bitartean Arrasaten ospatuko den XXXVII Gipuzkoako Akordeoi Lehiaketan parte hartuko dute. Lehiaketa hau Hauspoz, Euskal Herriko Akordeoi Elkarteak antolatu du , Arrasateko Udala, Gipuzkoako Foru Aldundia eta SGAE Fundazioarekin batera. Hastapena B kategorian arituko da Gorka Arroyo Iribar, Hastapena C mailan Intza Apezetxea Sarasola eta ganba 3 mailan izango da Imanol Iribar Rodriguezek, Maialen Iruretagoyena Lazcanok, Ainhoa Perez Arrutik, Ibai Saralegi Zubeldiak eta Aitor Zubelzu Irazustak osatutako taldea.

Mikel Laboa gogoratuz

Bihar beteko dira 8 urte Mikel Laboa hil zenetik eta aurreko urteetan bezala Mikel gogoan izango da Usurbilen egun honetan, egunean zehar bere musika izango baita en-tzungai frontoi inguruan.

Recibe nuestras newsletters en tu email

Apúntate