Diario Vasco

Ibarbia-sagarra Errezilen liburua aurkeztu zen

Iñaki Iurrebaso Ibarbi Errezilgo Errezil sagarraren elkarteko kideekin.
Iñaki Iurrebaso Ibarbi Errezilgo Errezil sagarraren elkarteko kideekin.

Sagar asteari hasiera emateko 'Ibarbia-sagarra Errezilen' izeneko liburua aurkeztu zen Borondegin, herriko baserrietan Errezil sagarrari buruz egindako inkestaren emaitzekin osatutako liburua. Ibarbi Errezilgo Errezil Sagarraren kultur elkarteak argitaratu du Iñaki Iurrebasok idatzi duen liburua, eta hainbat herritarrek ere parte hartu dute inkestak banatzen eta datuak informatizatzen, besteak beste. Liburuak herritarrek betetako galdetegia jarraitzen du emaitzak aurkezterakoan. Errezilgo sagasti eta sagarrondo kopuruari begira hasten da, baita zein sagarrondo mota diren landatuak. Gehienak bertako motak dira, eta guztien erdia baina gehiago Ibarbi sagarrondoak dira. Honela, sagarrondo mota honen ezaugarriak azaltzen dira. Gainera, sagastien zainketaren, uztaren, bilketaren, elaborazioaren eta salmentaren inguruko datuak ere eskaintzen dira, baita Ibarbi sagarra bultzatzearen eta elkartearen sorreraren inguruan dauden iritziak, etorkizunari begira.

Recibe nuestras newsletters en tu email

Apúntate