Diario Vasco

Baliza Elkarteak aurkezpen jendetsua egin zuen

Baliza Elkartearen aurkezpena, asteazkenean Salatxo aretoan.
Baliza Elkartearen aurkezpena, asteazkenean Salatxo aretoan.

Orioko Baliza Elkartea, oriotarrei hitza emateko herri ekimenaren aurkezpena egin zen asteazkenean Salatxo aretoan, Orioko herri galdeketaren ekimena oriotarrei aurkeztuz.

Bertan irakurri zuten bezala, azken urteotan, Orioko Gure Esku Dago herri ekimena lanean aritu da erabakitzeko eskubidearen alde, hainbat ekitalditan parte hartuz (2014ko giza katea, 2015eko Anoetako ekitaldia...). «Borondateak ehundu, bidea adostu eta etorkizuna erabaki, horixe da Gure Esku Dago herri ekimenaren oinarria».

Orain etorkizuna erabakitzeko herri galdeketaren olatura igo- tzeko garaia iritsi dela goraipatu zuten; «hemendik aurrera erabakia aldarrikatzetik herritarrei hitza ematera pasatu nahi da. Izan ere, erabakitzeak egiten gaitu herri; erabakitzeak elkarrizketari begira jartzen gaitu; eta erabakitzeak elkar onartzea eta errespetatzea ekartzen ditu. Elkarren artean erabaki zer izan nahi dugun, hobeto bizitzeko».

Jadanik Udalerri batzuk hasi dira lan horretan, eta Oriok, 2017ko udaberrian galdeketa egiteko lekukoa jaso du, azpeitiarren eskutik, Urola Kostako beste zazpi udalerriekin batera.

«Galdeketa bideratzeko, Orion Baliza elkartea sortu berri dugu; elkartea anitza eta irekia da; herritar guztiei zabalik dagoena; bakoi-tzaren pentsaera eta sentsibilitatea errespetatuz, elkarrekin bat egin dugu galdeketa hau aurrera eramateko. Datozen hilabeteotan, egiteko asko izango dugu (sinadurak bildu, galdera adostu, ekitaldiak antolatu ...), eta bereziki, Orion erabakitzeko eskubidearen aldeko jarrera eta ilusioa zabaltzea izango da erronka».

Zeregin horretarako bidelagunak behar direla eta «lehen bilkura honek hala adierazten du. Herriko elkarte, eragile eta norbanako ugari bildu gara; guztiongatik jasotzen ari garen babesa da gure Balizaren oinarria: elkarrekin lan eginez lortuko dugu datorren udaberrian Orion galdeketa egitea; oriotarroi hitza ematea».

Izan ere, asteazkeneko bilera bidearen lehen pausua izan dela eta hurrengoa sinadurak biltzea izango dela, aurreratu zuten.

Recibe nuestras newsletters en tu email

Apúntate