Diario Vasco

Xirrikituen Jostunek bi emanaldi egingo dituzte gaur liburutegian

Beldurrak. Helduei zuzendutako saiao liburutegian.
Beldurrak. Helduei zuzendutako saiao liburutegian. / AMAXKAR
  • Haurrentzako saioa eskaintzeaz gain 17:30ean, trikitilariarena izenekoa, 19:00etatik aurrera, helduentzako saioa burutuko dute

Gaur arratsaldean bi emanaldi eskainiko ditu udal liburutegiak. Biak Xirrikituen Jostunek ipuin kontalariak aurkeztutakoak izango dira, lehenengoa haurrei zuzendua eta ondorengoa helduei.

Arratsaldeko 17:30ean hasiko da 'Trikitilariena' izenburua daraman saioa. Haurrei zuzenduta dago eta bertan ezagutuko duten istorioa honela hasten da, «trikitilaria izatea izan zen aitaren ametsa txikitatik. Bizitzak, baina, ez zion horretarako aukerarik eman. Egunak joan, egunak etorri, amets harekin bueltaka igaro zuen bere bizitza osoa. Horregatik, bere alaba kuttunek bost urte bete zituztenean, trikitixa bana erosi eta klasetara eraman zituen ikas zezaten. Nik ez nuen trikitixa sobera maite, baina klasera gustora joaten hasi nintzen, irakasle zoragarri harek tratu bat proposatu zidan 'ikasten duzun kantu bakoi-tzeko ipuin bat kontatuko dizut' eta orain entzundako ipuin haiek beste haurrei kontatzera joaten dira bazter guztietara eta gaur Getarian egongo dira».

Helduei zuzendutako saioa arratsaldeko 19:00etan hasiko da. 'Beldurrak' izenburua darama. Xirrikituen Jostunek diotenez, «beldurrak badu zeozer berezia, intimoa eta pertsonala. Izan ere, bakoitzak bere beldur propioak ditu, adin eta bizitzako momentuaren arabera. Erraten dutenez, izaki sozialak izatearen arrazoietako bat da gainera. Baina funtsean, hain ezberdinak omen diren beldur horiek ez al dute oinarri bera? Ez al dira gure sostengu, baina non zapaldu gure esku dagoen lur, era berean? Goazen gure bizitzak hankaz gora jarri, eta beldurrei aurrez aurre begiratzera. Txikienetatik hasi, eta handienetara. Bihurtu gaitezen gu haien beldur».

Temas

Recibe nuestras newsletters en tu email

Apúntate