Diario Vasco

GURASOS taldeak antolatutako manifestazioa izango da bihar Donostian

Bihar arratsaldeko 17.00etan GURASOS taldeak 'GIPUZKOA + : eman bidea osasuna eta adostasunari' manifestazioa deitu du Donostian. Mobilizazio hau arratsaldeko 17:00etan abiatuko da plaza Centenario-Araba parketik eta Alderdi Ederren amaituko da ekitaldi batekin.

GURASOSek hondakinen gaiaren inguruan ahalik eta berme gehien edo kalte gutxien irtenbideari eman behar zaiola bide uste du eta hainbat galdera planteatzen ditu: Posible al da arrisku edo eraginik egongo ez denaren bermea edukitzea? Egon al da errausketa baino seguruagoak eta bideragarriagoak diren beste aukerei buruzko benetako eztabaidarik? Beharrezkoa al da erraustegia egitea? Garaiz al gaude birpentsatzeko? Galdera asko daude airean, eta asko dago oraindik hitz egiteko eta adosteko.

GURASOSen ustetan, «bai oraindik garaiz gaude». Izan ere, inoiz ez da berandu segurtasuna areagotu eta osasunarentzat eragin txikiena duen hondakin tratamendua bilatzeko: «ez da inposiziorako garaia, adostasunarena baizik. Gai hau liskar eremutik atera behar dugu. Gainditu egin behar dugu konfrontamenduaren garaia. Eta horretarako eredu propioa sortu behar dugu, hemengoa, Gipuzkoakoa. Gipuzkoa onena nahi dugulako. Gipuzkoarentzat eta gure osasunarentzat ere gehiago nahi dugulako. Gure seme-alabentzat gehiago nahi dugulako, beraientzat onena dena. Eta hori guztion artean egingo dugu»

Recibe nuestras newsletters en tu email

Apúntate