Diario Vasco

Emakumeenganako indarkeria ekarriko dute gogora gaur eskoletan

Dantza izango dute ardatz eskoletan gaia lantzeko.
Dantza izango dute ardatz eskoletan gaia lantzeko. / ETXEBERRIA

Gaur, ostirala, azaroak 25, Emakumeenganako Indarkeriaren Aurkako Nazioarteko Eguna da eta, hori dela eta, hainbat ekitaldi egingo dira eskualdean, genero-indarkeriaren gaia gizarteratzeko.

Horrekin lotuta, eskualdeko ikastetxeetan ekimen bateratu bat egingo dute, 'Tratu onekin dantzan' izenpean. Ikastetxe bakoitzak zinta-dantzako zutabea eta zintak prestatu ditu eta horren inguruan antolatuko dituzte hainbat jarduera.

Orioko bi ikastetxeek, Zaragueta eskolak eta Herri Ikastolak, parte hartuko dute ekimen horretan eta dagoeneko ari dira gaia lantzen. Ekimena eskualdeko Berritzeguneak bultzatu du, ikastetxeen eta udalen laguntzarekin.

Leloa aukeratzeko orduan, emakumeenganako tratu txarretan zentratzeko partez, antolatzaileek nahiago izan dute tratu onetan jartzea indarra eta dantza erabiltzea elkarren arteko tratu onaren sinbolo gisa.

Zergatik aukeratu dute zinta dan- tza, genero-indarkeriaren gaia lan-tzeko? Neskek eta mutilek batera egiten duten ekimen alaia delako; dantzak pertsonen arteko harremanak sustatzen dituelako; sozializa-tzen laguntzen duelako; garapen emozionala sustatzen duelako, eta zinta dantzaren oinarria elkarlana delako.

Zinta dantzak ematen duen aukera aprobetxatuz, emakumeenganako indarkeriaren gaia landuko dute eskoletan zeharka, hainbat ikasgaitan; eta, gaur bertan, argazki jendetsua egingo dute ikasle eta irakasleek ikastetxe bakoitzean.

Recibe nuestras newsletters en tu email

Apúntate