Diario Vasco

Oroimenaren Bulegoaren azken egunak izango dira gaur eta bihar

Aranzadi. Elkarteko kideak alkatearekin aurkezpenean.
Aranzadi. Elkarteko kideak alkatearekin aurkezpenean. / AMAXKAR
  • Getarian 1936 eta 1945. urteen artean herrian izandako giza eskubideen urraketak biltzeko antolatu da

Gerra Zibilean eta Lehen Frankismoan (1936-1945) giza eskubideen alorrean gertatutakoaren inguruan ikerketa prozesu bat zabaldu du Getariako Udalak eta horretarako, besteak beste, bulego bat zabaldu da Alondegian. Doakoa da zerbitzua eta bertan informazioa eskuratu ahal daiteke 1936-1945 urteen bitartean errepresaliak jasan zituzten senide bati edo pertsonei buruz, halaber, informazioa ere eman ahal izango da.

Bulegoa getariar guztientzat zabalik dago, hilaren 3an ireki zuten eta gaur eta bihar izango dira azken egunak bertaratzeko. 10:00etatik 14:00ak arte eta arratsaldeko 16:00etatik 19:30ak arte irekita topatuko dute bertaratzen direnak. Dena den bertaratzerik ez dutenak bestelako aukerak badituzte euren informazioa helarazteko. Ondorengo telefono zenbakietara dei dezakete, 943.46.61.42 edo 699.80.91.30. Eta azken bidea Aranzadiko adituekin harremanetan jartzeko oretegi@aranzadi.eus emailera idaztea da. Abenduaren 9tik 18ra, berriz, erakusketa bat ikusgai izango da udaleko sarrera nagusian: 'Gorpuzkinak ateratzen, duintasunak berreskuratzen'.

Recibe nuestras newsletters en tu email

Apúntate