Diario Vasco
Beñat. Gola buruz egin zuen.
Beñat. Gola buruz egin zuen.

Puntu beharrean dago Keta Babyauto Arrasaten galdu ondoren

  • Lehen zati txukuna egin arren bigarrenaren hasieran bi gol jaso zituzten. Gerekak Ketaren gola lortu zuen baina alferrik, partida galdu egin zuten

Azken bi partidetan puntuak eskuratu ostean, porrota iritsi da Ketarentzat. 2-1 galdu zuten Arrasateren aurka eta puntu beharrean dira getariarrak. Sailkapenean oraindik aurkariak gertu izan arren, lehenbailehen puntuak eskuratu behar dituzte.

Larunbatean, aukera garbienak Ketakoentzat izan ziren. Jokoan alde handia izan ez arren, Ketak asmatu zuen aurkariaren atera iristen baina azken metroetan definitzea falta zaie. Lehen zatia hutsean amaitu ostean, bigarrenak hasiera kaxkarra izan zuen. Lehen minutuan Arrasatek lehenengoa egin zuen eta handik gutxira bigarrena. Ordura arteko defentsa lan ona bertan behera geratu zen bi jokalditan.

Aurrera jotzea besterik ez zuten getariarrek eta aldeak murriztea ere lortu zuen. Mikel Agirrek ezker hegaletik egindako jokaldi baten ostean, Beñat Gerekak buruz egin zuen 2-1ekoa. 20 minutu falta ziren partida amaitzeko, eta aukerak izan arren, markagailua ez zen mugitu. Datorren asteburuan Aretxabaleta jasoko dute Mendibeltzen. Etxean Zestoarekin galdutakoa getariarren zelaian berreskuratu nahiko dute baino Ketak beharra handiagoa du.

Jubenilek, aldiz, garaipena lortu zuten Amara Berriren aurka etxean. Golegileak P. Eizagirre eta I. Rodriguez izan ziren. 2-0eko emaitzarekin, denboraldiko hirugarren garaipena lortu zuten eta 10 punturekin, seigarren lekuan dira sailkapenean.

Recibe nuestras newsletters en tu email

Apúntate