Diario Vasco

Famtrip saioak eskualdeko turismo eskaintza erakusten du

Famtrip. Ordezkariak eta teknikariak egindako saioan.
Famtrip. Ordezkariak eta teknikariak egindako saioan. / AMAXKAR
  • Urola Kosta Udal Elkarteak eta turismo teknikariek eskualdeko txokoak erakusteko jardunaldia egin zuten turismo arloko euskal enpresak ezagutu dezaten

Joan den asteazkenean 'famtrip' saioa antolatu eta burutu zuten, Urola Kostako Udal Elkarteak eta bost udalerrietako turismo teknikariek, Kultur Lan Bi, Begi Bistan eta San Prudentzio hoteleko arduradunen laguntzarekin.

Famtrip saioak turismoaren arloko profesionalentzat antolatutako bidaia eta bisita turistikoak dira, lurralde jakin bateko turismo eskaintza bertatik bertara ikusi eta ezagutzeko. Asteazkenean egindako famtrip saiora Euskadin lanean diharduten turismo sektoreko hainbat profesional bertaratu ziren. Etorri ziren enpresek talde txiki eta bereziekin egiten dute lan eta, gehienbat, atzerriko turistekin. Ekitaldia goizeko 9:30ean hasi zen Zumaian, Flysh-aren ibilbidearekin. Ondoren Getariara etorri ziren, Balentziaga Museora. Jarraian, Zarautzera jo zuten, Toldotxo pintxoa dastatu eta biotopoan barrena ibilbidea eginez. Goiza bukatzeko Katxina Jatetxean 'bisiguaren esperientzia' bizi izan zuten. Arratsaldean Aiara joan ziren, herrigunea bisitatzera, eta amaitzeko bertako gaztegileen produktuen dastaketa egin zuten partaideek. Egun eraginkorra izan zen 'Famtrip saioa' eta gonbidatuak gustura joan omen ziren aurkeztutako produktuen eskaintzarekin.

Recibe nuestras newsletters en tu email

Apúntate