Diario Vasco
Haur bat zaborra botatzen.
Haur bat zaborra botatzen.

100.000 euroko hobaria izan du Zestoak, zabor birziklapen tasa altuagatik

  • Ondorioz, egungo sistema edukiontzi sistema baino askoz merkeagoa dela dio EH Bilduk

Zestoako EH bilduk kaleratu duen oharraren arabera, «oraindik ez da berandu herriko interesen arabera jarduteko». Aipatutako idatzian EH Bilduk dio: «Zestoako EAJk sistema aldatzeko erabili duen arrazoi bakarretakoa ekonomikoa izan da, hau da, edukiontzi bidezko sistema merkeagoa dela esan izan dute. Hori horrela ez dela argudia-tzeko gure arrazoiak behin baino gehiagotan azaldu izan ditugu eta nagusiena gaikako bilketan orain ditugun emaitzen behetik geldi-tzeak suposatuko lukeen penalizazio ekonomikoaren arriskua aipatu izan dugu» diote, errefusa gehiago sortuz gero hau oso garesti ordain-tzen baita, eta sailkatutakoagatik ordez kobratu egiten baitu Udalak.

Urola Erdiko Mankomunitateak, sailkatzen zen zaborrarekin jasotako diruarekin orain artean erabiltzen zituen irizpideak aldatu egin ditu, eta ondorioz Zestoak irabazten irten du, asko birziklatzen duen herria baikara: «Hondakinen bilketa sistemaren benetako kostu ekonomikoa kalkulatzeko, ezinbestekoa da birziklatzearen ondorioz eskuratu den lehengaien (beira, plastikoa, kartoia, papera...) salmentaren bidez eskuratzen den diru kopurua kostu orokorrari kentzea. Urola Erdiko Mankomunitateak aipatu salmentarekin eskuratutako dirua, kide diren herrien artean (Azpeitia, Azkoitia, Zestoa, abar) biztanle kopuruaren arabera banatu izan du orain artean, hau da, herri bakoitzeko bilketa sistemaren emaitzak lehenetsi ordez, biztanle kopurua hartu izan da aintzat. Gauzak horrela, eta zestoarrak injustuki kaltetuak ginela ikusita, gehien birziklatu arren biztanle kopuruaren arabera dirua banatuta, benetan legokigukeena baino diru gutxiago jasotzen genuelako, Zestoako EH Bilduk, pasa den udaberrian Mankomunitateari irizpideak aldatu eta biztanle kopuruaren ordez gaikako bilketa tasa ain-tzat hartzea eskatu zion. Mankomunitateko teknikari eta arduradunek Zestoako EH Bilduri arrazoi eman eta irizpideak aldatzea erabaki zen. Hau aldatu eta gero, Mankomunitateak, pasa den urrian, 2015 urteko likidazio orokorra egin duenean, Zestoari 100 mila euro inguruko hobaria dagokiola erabaki du. Ondorioz, aipatu kopurua kostu orokorrari kenduta, egungo sistemaren kostu errealarekin aurkitzen gara eta honek egungoa, edukiontzi bidezko sistema baino 75 mila euro merkeagoa izan daitekeela argi egiaztatzen digu». Azkenik, dei bat luza-tzen dio PNV-ri: «Beraz, oraindik ez da berandu eta edukiontzi bidezko sistema gure kaleetan jartzeak guztioi suposatuko digun hipoteka ekonomiko zein ekologikoa gauzatu aurretik, Zestoako EAJri herriko interesen arabera jarduteko deia egiteaz gain, alkateak aldaketa gauzatu aurretik, eztabaidarako mahaia dei-tzeko emandako hitza betetzea eskatzen dugu».

Bularreko minbizia

Kattalin, bularreko eta ginekologiako minbizia duten emakumeen elkarteak, hitzaldia antolatu du Zestoako Udalaren laguntzarekin. Hi-tzaldia Donostiako Onkologiko Institutuko Arrate Plazaola sendagileak emango du, eta bertan, besteak beste, bularreko minbiziaren arrazoien azterketaz, tratamenduaz, prebentzioaz, e.a. hitz egingo du. Hitzaldia gaur izango da, 18:00etan, Zestoako udaletxeko batzar aretoan.

Recibe nuestras newsletters en tu email

Apúntate