Diario Vasco
Amaia Irazabal. Antzezlea.
Amaia Irazabal. Antzezlea.

'Zapatak' eta 'Eltxoak' antzezlanak bihar Gaztetxian

  • Ainhoa Alberdi eta Jurdana Otxoaren 'Zapatak' bakarrizketa musikatua da eta 'Eltxoak' antzezlanak Amaia Irazabal getariarra du antzezle

Bihar igandea, ilun-tzeko 19:00etan hasita Gaztetxean bi antzezlan ikusteko aukera izango dute bertaratzen direnak. Sarrera 3 eurokoa izango da. Ikusgai dauden emanaldiak, emakumezkoak dituzte protagonistak. 'Eltxoak' antzezlanak, Amaia Irazabal, getariarra du zuzendari eta aktorea. Istorio honetako protagonistak gorroto ditu eltxoak. Nazkatuta dago beti berari hurbiltzen zazkiolako. Baina konturatuko da ez direla eltxoak odola xurgatzen dioten bakarrak. Egoera horri aurre egiteko indarrak bildu eta super-heroi batean bihurtuko da.

Bigarren saioan, 'Zapatak', Ainhoa Alberdi aktorea bonbardaketa baten ostean bere haurtxoaren zapatatxoekin datorren emakume bat da. Jurdana Otxoak laguntzen du bibolinarekin antzezlan hunkigarri honetan. Bakarrizketa hau Jose Mari Karrerek idatzi zuen eta Ainara Gurrutxagak zuzendu.

Bersiyo Gaua

Datorren ostiralerako beste ekimen bat prestatu dute Gazte Asanbladako kideek: Bersiyo Gaua . Herriko gazteei lotsak alde batera utzi eta abesti eta taldeen bertsioak egitera animatu zituzten bare garaian eta orain heldu da emaitzak ikusteko unea. Dagoeneko talde ugarik eman dute izena eta entseguak burutzen ibili dira. Estilo ezberdinetako musika entzun ahal izango da beraz eta Bersiyo Gaua 22:30ean hasiko da.

Bukatzeko aipatu baita ere Gaztetxian asteartero 19:00etan euskal dantzak ikasteko aukera dagoela.

Recibe nuestras newsletters en tu email

Apúntate