Diario Vasco

Futbola eta eskubaloia Haranen eta Oiardon

1. Erregionalak Asoleus taldea izango du aurrez aurre Haranen.
1. Erregionalak Asoleus taldea izango du aurrez aurre Haranen.
  • Harane futbol zelaian 1. Erregional eta 1. jubenil mailako taldeek jokatuko dute gaur arratsaldean

Asteburu honetan ere futbol eta eskubaloi partida ugari jokatuko dira Harane futbol zelaian eta Oiardo kiroldegian.

Usurbil Futbol taldearen jarduerari dagokionez, eskolarteko partidekin hasiko da gaurko futbol festa. Udarregi 6A eta 5B taldeek Urnietako 5B eta 6B taldeen aurka jokatuko dute 9:30ean hasita.

Ondoren, infantil mailako mutilen taldeak jokatuko du Haranen 10:45etan. Herriko taldeak Idiazabal B taldea izango du aurrez aurre. Partida polita izan daiteke. Idiazabaldarrak sailkapenaren buruan dira jokatutako neurketa guztiak irabazita eta usurbildarrak, berriz, 3. postuan 3 puntu gutxiagorekin.

Arratsalderako hitzordu bikoi-tza iragarrita dago Haranen. 1. Erregional mailako taldeak Asoleus CF taldearen aurka jokatuko du. Pasa den asteburuan Vasconiaren aurka galdu ostean berriz ere garaipenaren bidera itzuli nahiko du herriko taldeak, 3. postuari eutsi eta aurretik puntu bakarrera duten Iluari B taldearen aurretik jarri ahal izateko.

Ondoren, 18:00etan, Urnieta A liderraren bisita jasoko du Usurbilek Haranen. Herriko taldeak liga hasiera pattal xamarra izan zuen, baina pixkanaka gorantz doa. Pasa den asteburuan Euskaldunari 2-1 irabazi ostean 4. postuan kokatuta daude gaur arerio izango duten taldearengandik 6 puntura.

Bihar, berriz, ez da neurketarik izango Haranen, baina Futbol Taldeak denboraldi ko taldeen aurkezpena egingo du goizean. 10:30erako haurrekin jolasak iragarri dituzte eta ondoren, 12:15etan, taldeen argazkiak aterako dituzte Mikel Laboa plazan. Amaitzeko luntxa izango dute Txiriboga tabernaren eskutik.

Eskubaloi partidak

Usurbil Kirol Elkarteko eskubaloi taldeek ere jardunaldi berri bat izango dute asteburu honetan eta kiroldegian eskubaloiaz gozatzeko aukera aparta izango da gaur eta bihar.

Goizean eskolarteko neurketak jokatuko dira. 10:00etan alebin nesken txanda izango da. 11:00etan, berriz, infantil nesken Gipuzkoako txapelketako partida jokatuko dute, Udarregi A Usurbil eta Bidasoa A taldeak izango dira aurrez aurre. 12:15etan, berriz, infantil mutilen Udarregi A Usurbil taldeak Txarriduna Elgoibarren aurka jokatuko du.

Arratsaldean Euskal Liga joka- tzen ari diren kadete eta jubenil mutilek Urdulizeko taldeak izango dituzte aurrez aurre. Jubenilek 15:45ean eta kadeteek 17:30ean. Jubenilek pasa den asteburuan lortu zuten ligako lehen garaipena eta gaurkoan sailkapeneko azken postutik irten nahiko dute. Kadeteak, berriz, sailkapenaren buruan dira.

Azkenik, 19:30ean, 1. Nazional mailako senior mutilen taldearen neurketa izango da Oiardon. Dominicos Zaragoza taldearen aurka neurtuko ditu indarrak herriko taldeak. Aitor Arrutik zuzendutako taldea azkenhirugarren postuan kokatuta dago 6 punturekin eta gaurko aurkaria 2 postu aurrerago. Hala ere bien artean puntu bakarreko aldea dago eta gaur garaipena lortzea garrantzitsua izan daite Usurbil Kirol Elkartearentzat.

Bihar goizean ere eskubaloia izango da kiroldegian. Alebin neskek eta mutilek errendimenduzko Gipuzkoako lagunarteko txapelketako partidak jokatuko dituzte Ereintzaren aurka 10:00etan eta 11:00etan.

Recibe nuestras newsletters en tu email

Apúntate