Diario Vasco

Rural Zombies taldeak EHMBE elkartearen saria lortu du

Rural Zombies taldekoak Donostiako Kutxu Kultur jaialdian.
Rural Zombies taldekoak Donostiako Kutxu Kultur jaialdian. / ARIZMENDI

Euskal Herriko Musika Bulegoak (EHMBE) atzo eman zituen ezagutzera, Musika Bulegoa Sarien lehen edizioan aurkeztutako 65 proposamenen artean nabarmendu diren musikari, sortzaile eta interpreteen izenak, eta hauen artean Rural Zombies taldea izan da saritua. Sarituak Juanjo Mena, Berlingo Orkestra Filarmonikoaren zuzendaritzagatik, Angel Unzu 'Duos' diskoagatik, Rural Zombies 'Bat' diskoagatik eta Amorante 'Amorante' diskoagatik izan dira.

Epaimahaiak Zestoako taldearen saria arrazoitzerakoan honela esan du, «debut harrigarria da, proposamenean freskotasuna eta heldutasuna bildu baititu. Erakarpen-indar handiko ahotsa, talde sendo batek inguratuta». Sariak Bilboko Kafe Antzokian emango dira, azaroaren 24an, 19:00etan.

2.eskuko arropa bihar salgai

Arropa solidario taldeak antolatuta, bihar bigarren eskuko arropa salgai egongo da Eliz Kaleko zentroan. 10:00etatik 13:30etara irekiko dute hau eta oso egoera onean dauden arropak, prezio baxuetan eskuratzeko aukera izango da.

Recibe nuestras newsletters en tu email

Apúntate