Diario Vasco

Larunbatean aurkeztuko da 'Hitziturri' taldea

Urrian Azpeitian elkartu ziren eskualdeko ordezkariak.
Urrian Azpeitian elkartu ziren eskualdeko ordezkariak.
  • Udaberrian Zestoan izango de erabakitzeko eskubidearen aldeko galdeketa prestatzea dute helburu

Etzi, larunbata, Gure Esku Dago herri ekimenetik abiatuta, Zestoan udaberrian egingo den herri galdeketarako sortu den 'Hitziturri' talde eragilearen aurkezpena izango da. Aurkezpena eguerdiko 12:00etan izango da, Lauiturrietan. Eguraldi txarra egiten badu kiroldegi aurreko aterpean. Nola ez, nahi duen oro gonbidatua dago bertara azaldu eta jarraian egingo den argazki erraldoian parte hartzera.

Azkoitiak, Getariak, Oriok, Zarautzek, Zestoak eta Zumaiak 2017ko udaberrian herri galdeketak egiteko lekukoa jaso zuten pasa den urrian Azpeitiaren eskutik. Pasa den urtean, ekainaren 5ean, Azpeitian egin zen galdeketa antolatzeko sortutako Hitzartu elkarteko kideek eman zieten herri hauetako ordezkariei lekukoa hauek ere beren ibilbidea egin zezaten «erabakitzeko eskubidea aldarrikatzetik gauzatzera igarotzeko».

1956koen kinto bazkaria

Orain 60 urte jaio ziren herritarrek bazkaria egingo dute Mollergi tabernan, hilak 26ean, larunbata. Bertan egon nahi duten kintoek izena eman diezaiotela ohiko antolatzaileei edo 629347348 (Marifer) edo 650614585 (Txaro) telefonoetara deitu lehenbailehen.

Trikitilari elkartea Zestoan

Herritar trikitilari eta zale talde batek Zestoako trikitilariak bilduko dituen elkartea sortzeko bilera deialdia egin du, ohar honen bidez: «Kaixo Zestoar Trikitilari! Zestoar trikitilariok bilduko gaituen elkartea sortzera gatoz. Helburu nagusia, herriko trikitilariok elkar ezagutu eta uztartuko gaituen bilgune bat sortzea da».

Beraz, gaur, osteguna, iluntzeko 19:00etan Kultur Etxeko 1. solairuan bilera irekia izango da. Deialdia guztiz irekia da, eta haurrak gurasoek lagunduta joatea gomenda-tzen dute.

Recibe nuestras newsletters en tu email

Apúntate