Diario Vasco

Hizkuntz minorizatuei buruz mahai-ingurua gaur Salatxon

Orioko Udalak eta Garabide elkarteak mahai-inguru bat antolatu dute gaur iluntzeko 19:00etan hasita, Salatxo aretoan. Ma-hai-ingurua Udalak eta Garabide elkarteak sinatu zuten elkarlan-hitzarmenaren barruan antolatu dute, honako helburuarekin: oriotarrei beste hainbat hizkuntza minorizatutako komunitateek beren hizkuntza biziberritzeko egiten ari diren lana ezagutaraztea, eta esperientziak trukatzea. Orioko Udalak eta Garabide elkarteak hi-tzarmena sinatu zuten 2013an, elkarlana bideratzeko garapenaren eta hizkuntza normalizazioaren alorrean; eta hitzarmen horretako konpromisoen artean dago, aldian behin, horrelako ekitaldiak egitea herrian.Garabide elkarteak urteak daramatza harremanetan Ameriketako eta munduko beste toki batzuetako jatorrizko hizkun-tzen aldeko elkarteekin eta, elkarlan horren fruitu, hainbat aldiz antolatu du master bat, honako helburuarekin: euskara biziberritzeko Euskal Herrian azken hamarkadetan egin dugun bidea konparti- tzea beste hizkuntza gutxiagotu batzuetako hiztunekin.

Lau hizlari

Gaur arratsaldeko mahai-inguruan lau hizlari izango dira: alde batetik, Jon Sarasuak hitz egingo du, Garabideren izenean, elkartean egiten ari diren lana azaltzeko eta, bestetik, hiru hizkuntza minorizatuko hiztunak izango dira: Elias Caurey, guarani hiztuna (Bolivia); Jose Yañez, kitxua hiztuna (Ekuador) eta Viviana Gonzalez, nasa hiztuna (Kolonbia). Mahai-inguruan beren hizkuntzaren egoera zein den eta hura biziberritzeko zer egiten ari diren azalduko dute; eta, bestetik, Euskal Herrian ikusi eta ikasi dutenetik zer gertatu zaien interesgarriena. Ekitaldia irekia izango da eta herritarrei beste experientziak entzutera ager-tzea animatzen zaie.

Recibe nuestras newsletters en tu email

Apúntate