Diario Vasco

Guztiok 1! ekimena martxan jarri du Udalak eta gaur bigarren bilera irekia egingo da

Udala informatzen. Bilera irekiak amaitutakoan egingo da.
Udala informatzen. Bilera irekiak amaitutakoan egingo da. / AMAXKAR
  • Astelehenean egin zen herriko elkarteekin lehenengoa eta gaur San Prudentzio eta Askizuko auzokideekin bigarrena

Udal Gobernuak aurrekontuak egiterakoan herritarren ekarpenak eta iritziak jaso eta partehartze prozesuen bidez herriak udal erabakietan protagonismoa izatearen aldeko apustua egiten jarrai-tzen du.

Aurten ere 2017 urteko aurrekontuak prestatzeko garaia iritsi da eta horrekin batera Guztiok 1! Aurrekontu Partehartzaileak prozedura abiatu du beste behin ere. Aurtengoan bi berrikuntza daude: Alde batetik, herritar zein auzotarrekin egin ohi diren bilerez gain herriko elkarteekin ere bilduko dira (dagoeneko egin den bilera da hau), ahalik eta ikuspegi zabalenetik ekarpenak eta iri-tziak jasotzeko. Bestetik Hileta Zibila eta Beilategiaren inguruko iri-tzi eta proposamenei tarte berezia egingo zaie.

Hiru modu izango dituzte herritarrek proposamenak egiteko. Lehenengoa, etxe guztietara proposamenak jasotzeko fitxa helaraziko da. Bertan arloz arlo ekarpenak idatzi eta udaletxean espresuki horretarako jarritako postontzian ipini ahal izango dira. Fitxak banatzen direnetik hamar eguneko epea zabalduko da udal gutunontzian utzi ahal izateko. Bigarrena, posta elektroniko bidez, getaria@udala.org helbide elektronikora bidaliz. Mezuaren 'gaia' edo 'asuntoan' Guztiok1 2017 idatzita .

Hirugarren aukera, bilera irekietan parte hartuz. Dagoeneko abian jarrita daude, astelehenean egin zen herriko elkarteekin eta gaur bigarrena izango da Askizu eta San Prudentzioko auzokideekin, gaueko 21:00etan ohiko lekuan. Hilak 21ean bi bilera ireki egingo dira, 19:00etan udaletxean hirigintza, turismoa eta tokiko garapena eta 21:00etan Mia eta Eitzagako herritarrekin ohiko tokian. Hilak 22an, azkena, gai hauek jorratuko dira euskara, kultura, hezkuntza. kirola, ongizatea eta partehartzea gaueko 21:00etan udaletxean.

Parte hartze prozesuarekin amai-tzeko, Udala Informatzen saioa egingo da ekarpenen berri eman eta balorazioa egiteko.

Recibe nuestras newsletters en tu email

Apúntate