Diario Vasco

Herriko trikitilarien bilgunea sortu nahi da

Zestoak trikitilari tradizio handia du, bikote ezagun asko tarteko.
Zestoak trikitilari tradizio handia du, bikote ezagun asko tarteko. / ARRIZABALAGA
  • Zestoako trikitilariak bilduko dituen elkartea sortzeko bilera deialdia egin da ostegun arratsalderako

Herritar trikitilari eta zale talde batek Zestoako trikitilariak bilduko dituen elkartea sortzeko bilera deialdia egin du, ohar honen bidez: «Kaixo Zestoar Trikitilari! Zestoar trikitilariok bilduko gaituen elkartea sortzera gatoz. Helburu nagusia, herriko trikitilariok elkar ezagutu eta uztartuko gaituen bilgune bat sortzea da».

Beraz, lehen harria jartzeko, azaroaren 17an, osteguna, arratsaldeko 19:00etan Kultur Etxeko 1. solairuan bilera irekia izango da. «Deialdia guztiz irekia da, hori izango baita talde honen helburu eta aberastasun nagusia» dioten ekimen honen bultzatzailek. Oharra: Haurrak gurasoek lagunduta joatea gomendatzen dute.

Euskadi Lagunkoia

Datorren azaroaren 16an, asteazkenez, Zestoa Lagunkoia ekimena aurkeztuko da Udaleko Pleno Aretoan arratsaldeko 18etan. Aurkezpen hau herriko eragile desberdinei eta baita herritarrei orokorrean zuzendua dago eta bertan parte hartuko dute Josetxo Mendizabal herriko alkateak, Montse Atxega Ongizateko zinegotziak eta Ainara Tomasena Matia Institutuko teknikariak.

1956.koen kinto bazkaria

Orain 60 urte jaio ziren herritarrek bazkaria egingo dute Ipintza elkartean, azaroak 26ean. Bertan egon nahi duten kintoek izena eman diezaiotela ohiko antolatzaileei edo 629347348 (Marifer) edo 650614585 (Txaro) telefonoetara deitu lehenbailehen.

Recibe nuestras newsletters en tu email

Apúntate