Diario Vasco

Aldarrikapen eguna eguraldi txarrak kaltetua

Haurrak arduratu ziren aldarria margotzeaz Berdura plazan.
Haurrak arduratu ziren aldarria margotzeaz Berdura plazan. / AMAXKAR
  • TTIP eta CETA itunen aurkako jaia ez zen nahi bezala joan, baina antolatzaileak gustura agertu dira

Joan den larunbat eguerdian TTIP eta CETA itunen aurkako jai antolatu zuten berdura plazan Elan Euskadi, Getaiko Gazte Asanblada, Getariako Udalak eta Getariako Eskubide Sozialen Kartak. Helburua, egun bertan Bilbon, Gasteizen, Iruñan eta Donostian antolatuko zen aldarrikapenarekin bat egitea izan zen.

Aipaturiko itun komertzialaren «giza eskubideen zapalketa» sala-tzeko intentzioz egin zuten deia. Eguraldia ez zuten lagun izan antolatzaileek. Aurreikusita zegoen giza-katea ezin izan zen eraiki, beraz, umeak aldarria margotzeaz gain, manifestua irakurri zuten eta ondoren, bertsotan eta kantuan egin zuten bai antolatzaileek eta baita bertaratutako herritarrek.

Emaitza ez zen izan esperotakoa, baina ikusita eguraldiaren muga, oso gustura agertu dira antolatzaileak. Hurrengo asteetan zenbait ekitaldi espero dira honen arira, «aldarrikapenak larunbatean ez baitzen amaitzen» adierazi dute antolatzaileak.

Bi hitzaldi

Bestalde, datorren asterako Getariako Eskubide Sozialen Kartak eta Getaiko Gazte Asanbladak antolatuta bi hitzaldi iragartzen dizkigute. Sektore Publikoaren Aldeko Jardunaldiak izango dira eta asteazken zein ostegunean bi saio prestatu dituzte Ulpiano Etxean. Asteazkenean, Helena Francoren hitzaldia izango da 19:00etan hasita eta 'Enplegu Publikoa: aurreiritziak eta ebidentziak' gaia jorratuko du eta ostegunean 'Crisis, deuda y salud' gaia Angeles Maestrok aztertuko du, ordu berean.

Recibe nuestras newsletters en tu email

Apúntate