Diario Vasco
Ibai Marin. Orion bizi den donostiarra dugu. Gaur herritarren aurrean azalduko da, bakarlari bezala, kultur etxeko emanaldian.
Ibai Marin. Orion bizi den donostiarra dugu. Gaur herritarren aurrean azalduko da, bakarlari bezala, kultur etxeko emanaldian.

«Rock&roll akustikoa eskainiko dut emanaldian»

  • Orion bizi den Ibai Marinen kontzertua gaur kultur etxean

  • 15 urtetan Hira taldeko abeslaria izan da, baina oraintsu bide berria hasi du, bakarlari bezala

Ibai Marin musikalaria izatez donostiarra da baina irailetik Orion bizi da, Antilla kalean, hondartza inguruan. Gaur gauean zuzenean entzuteko aukera dago, gaueko 22:30etik aurrera kultur etxean, doako sarrerarekin. Kontzertua Udalak antolatzen du 'Euskaraz bizi-bizi' programaren barruan.

Kontzertu berezia dudarik gabe, lagun eta herritarren aurrean estreinatzen baita Ibai. «Gogotsu nago. Ni nire ahots eta gitarrarekin aurkeztuko naiz, nire bikotekidearen laguntzarekin, Libana, koruak egiten» esaten digu. «Rock &roll akustikoa egiten dut, ifar amerikako kutsua duen musika, emozioz beteriko melodia, sentimenduz jorratutako hitz eta doinu sakonekin; nik uste pena mereziko duela kontzertua entzutea eta herritarrak gonbidatzen ditut gaur gaueko emanaldira».

Hamabost abesti inguru

Orioko emanaldia 70 minutu ingurukoa izango da, 15ren bat abesti eskainiko dituelarik. «Hori aurre ikusten duguna da, baina gero kontzertu bakoitza desberdina izaten da». Ibai Marin-en bikotea eta famlia guzia Oriokoak dira, eta eskertuta agertzen da herrian izan duen harrerarekin. «Irailetik bizi naiz hemen, eta xarma berezia duen herria da Orio. Bikamitako Kosta Tailerra eraikinean entsaiatzen dut, beste taldeek bezala. Imanol Urkizuk lagundu dit horretan».

Bakarlari gisa hasi aurretik, Ibai Marin Hira taldeko abeslari, kitarra eta konposatzaile izan da 15 urteetan zehar. Hira taldea erreferente bat izan zen Euskal Herriko heavy metal musikan. 1998an sortu zen eta bost disko grabatu zituen. Taldea iaztik geldituta dago eta Ibai Marin bere kasa ari da orain han eta hemen kontzertu batzuk ematen eta, bakarlari moduan, disko bat prestatzen.

Hira taldearen geldiunearen ondoren, bakarlari bezala hasi eta bere lehen asmoa kontzertu gutxi batzuk ematea omen zen. « Kontzertu pare bat emateko asmoz hasi nintzen, baina dagoeneko dexente eman ditut eta urtea bukatzerako 15ren bat emango ditudala uste dut. Abuztuan hasi nintzen eta ez naiz gelditu. Azkenengoa Andoain-en eman nuen, orain Orion, gero Irunera noa... Harrera oso ona izaten ari naiz kontzertu guztietan eta oso eskertuta nago», dio. Dena den, musikatik bakarrik bizitzea oso zaila dagoela aitortzen du. «Nire lana daukat eta musika gustokoa dudan afizioa da».

Beraz, plan txarra ez gaurkoa; iluntzean zehar herriko tabernariek eskeintzen duten pintxoak dastatu eta gero kontzertua entzutera.

Recibe nuestras newsletters en tu email

Apúntate