'Beti bezperako koplak' sormen lan kolektiboa aurkeztuko da gaur, Dinamoan

Dinamoa sormen gunea martxan da eta dagoeneko hasiak dira zenbait ekitaldi antolatzen. Honela, gaur, osteguna, 19:00etan, 'Beti bezperako koplak' sormen lan kolektiboa aurkeztuko dute Bego Vicariok, Patxi Azpillagak, Mariñe Arbeok eta Malen Amenabarrek.

Santa Ageda bezperako ospakizuna abiapuntutzat hartuz, Maialen Lujanbiok genero indarkeriaren salaketa gordina egin zuen 2016an. Bertsoz bertso, indarkeria matxistaren agerpenak salatzen dira. Kopla hauek abiapuntu hartuta, hogei euskal artista gaztek ikus-entzunezko sormen lan kolektibo bat egin dute animazio teknika ezberdinak erabiliz.