Diario Vasco

Askizun San Martin jaiak badatoz

Txakolin dastaketa. Bihar meza ondoren jan eta edan.
Txakolin dastaketa. Bihar meza ondoren jan eta edan. / AMAXKAR
  • Gaur bertan hasiko da festen egitaraua mus txapelketarekin

Askizuko San Martin Deunaren Jaiak 2016 gaur gauean jarriko dira martxan eta hasteko Mus Txapelketa iragartzen dute 21:30ak aldera abian jartzeko asmoarekin. Auzoko San Martin Elkarteak antolatzen ditu festak Getariako Udalaren laguntzarekin.

Bihar, hilak 11, San Martin eguna ospatzen da eta goizeko 11:00etan Meza Nagusia izango da bertako elizan. Ondoren txakolin dastaketa prestatu dute, zer jan eta zer edan izango delarik bertaratzen diren guztientzat. Jai giroa jartzeaz trikitilariak arduratuko dira, bertan egongo bai dira Jone eta Irati trikiti eta panderoarekin. Gauean, erromeriak jarriko dio amaiera San Martin egunari eta horretarako Miren Errasti eta Harkaitz Allur izango dira musika jarriko dutenak.

Asteburuan ere festetako egitarau oparoa izango da. Larunbatean, lehendabizi, Gaueko 21:00etan hasiko da bailarako ezkondu eta bikoteen afaria, izena emateko epea atzo amaitzen zen beraz bizkor ibili ez direnak afariaz gozatzeko aukera galdua dute dagoeneko. Afarian jandakoa arintzeko erromeria izango da Askizun, Laja eta Narbaizarekin.

Igandeko egitaraua, Meza Nagusiarekin zabaltzen da. Goizeko 11:00etan izango da auzoko elizan. Amaitutakoan herri kirol interesgarria iragartzen dute. Bertan ikusi ahal izango dira lanean, Joseba Ostolatza eta Aimar Galarraga harrijasotzaileak. Aizkorarekin lanean berriz, Zubizarreta eta Bihurri. Jaialdiaren barne Ostolatza ahizpak ere lanean izango dira. Kirol saioaren atzetik etorriko dira Gorriti eta bere animaliak eta giroa alaituz euren musikarekin Jone eta Irati egongo dira. Baina San Martin jaiak ez dira asteburu honetan amaituko zeren datorren larunbatean, hilak 19an, gazteen afaria antolatuta dago. Gaueko 21:00etan hasiko da eta bertara joan nahi duten gazteak izena aurrez eman behar dute hilak 16a baino lehenago. Horretarako deitu 615765654 telefono zenbakira edo idatzi whatsappa. Izer eta Alabier trikitilariak ere han egongo dira.

Recibe nuestras newsletters en tu email

Apúntate