Diario Vasco
Lapurretaren beste ondorio bat, ateak txikikuta.
Lapurretaren beste ondorio bat, ateak txikikuta.

Lapurrak sartu dira KTAn eta Eguneko Zentroan

  • Bi asteburutan egin dituzte lapurretak bi leku berberetan

Pasa den larunbat honetako gauean lapurrak sartu ziren berriz Orioko Eguneko Zentroan. Sarrera bortxatu eta telebista bat lapurtu zuten. Aurreko asteburuan ere lapurrak sartu ziren gauez bai Eguneko Zentroko ileapaindegian eta bai KTA eraikinean (Kosta tailerra izenez ezagutzen dena).

Orioko Eguneko Zentroan kalte txikiak eragin zituzten eta kafe-makinako txanpon batzuk lapurtu; baina KTA eraikinean txikizio handia egin zuten, izan ere, 9 ate bortxatu zituzten. Eramateko moduko ezer ez zuten aurkitu, baina Udalak hiru ate osorik aldatu beharko ditu eta gainontzekoak konpondu.

Udalak dei egiten die herritarrei, laguntzeko. Norbaitek jende-mugimendu arraroren bat sumatzen badu, ondo dator udaltzainei 943.830 028 telefono zenbakira edota Ertzaintzari 943.538 900 deitzea, ingurua arreta gehiagoz zaindu dezaten.

Recibe nuestras newsletters en tu email

Apúntate