Diario Vasco

Odol emateko hitzordua, bihar

Odola emateko aukera izango da bihar herriko Osasun Zentroan.
Odola emateko aukera izango da bihar herriko Osasun Zentroan.

Astelehenean odola emateko aukera berri bat izango da herriko osasun zentroan. 18:00etatik 20:30etara beste odol emate berri bat izango da eta herritarrak bertara inguratzeko deia zabaldu nahi du Odol Emaileen Elkarteak.

Deialdi honetara joateko deia jasoko zuten aurretik odol emaile izanda emateko txanda egokitzen zitzaizkienak, baina gainontzeko herritarrak ere Osasun Zentrora gerturatu daitezke odola ematera. Lehen aldiz etortzen direnek, jakin dezaten mediku batek artatuko duela, bai odol emailea eta bai odol hartzailea, prozesu seguru bat izan dezaten.

Odola emateko oinarrizko baldintzak hauxek dira: 18 eta 65 urte arteko adina izatea, 50 kilo baino gehiago pisatzea, tentsio altua eta baxua neurri egokietan mantentzea eta azken Odol emanalditik gutxienez 2 hilabete pasatzea. Baraurik odola ez ematea gomendatzen da, ezta jan betekarekin ere.

Hala ere, zalantza edo kezka guztiak agertzeko mediku bat izaten da Odol emanaldietan. Odola emateko bete behar diren baldintza mediko eta legezkoak bete ondoren, odola ematea oso gauza erraza da, ez du minik ematen, eta 10 minutu eskas behar dira hori egiteko. Emanaldi bakoitzean 450 cc odol ateratzen da gutxi gorabehera.

Odol-emanaldia altruista eta borondatezkoa da. Inork ezin du beste inor odola ematera behartu. Odol-emaile batek utzi egin nahi duela edo odola emateko dei gehiago ez dituela jaso nahi jakinarazten badu, ez zaio horrelako dei gehiagorik egingo.

Recibe nuestras newsletters en tu email

Apúntate