Diario Vasco

Senior mailako eskubaloi taldearen partida Oiardon

Goizean eta arratsaldean partida ugari jokatuko dira kiroldegian.
Goizean eta arratsaldean partida ugari jokatuko dira kiroldegian.

Gaur ere eskubaloiaz gozatzeko aukera izango da Oiardo kiroldegian. Goizez nahiz arratsaldez Usurbil Kirol Elkarteko eskubaloi taldeen hainbat partida jokatuko dira bertan.

Goizean eskolarteko neurketak ikusteko aukera izango da. 10:00etan alebin nesken bi partida jokatuko dira, Udarregi 6A taldeak Hernani A izango du aurrez aurre eta Udarregi 5A taldeak Urnieta 5.

Ondoren, 11:15etan infantil nesken Udarregi A Usurbil taldeak Aiala E taldearen aurka neurtuko ditu indarrak Gipuzkoako txapelketako partidan eta infantil mutilen Udarregi A usurbil taldeak Amenabar D taldea izango du aurrez aurre 12:30etik aurrera.

Arratsaldeko partidei dagokionez, Euskal ligako kadete eta jubenil mailako nesken taldeek jokatuko dute Barakaldoko GF Zuazo taldearen aurka. 15:45etan jokatuko dute kadeteek. Orain arteko bost jardunaldietan garaipen bakarra lortuta dira usurbildarrak, baina gaurkoan punturik lortu ez duen taldea izango dute aurrez aurre, eta jokoan dauden 2 puntuak eskuratu nahiko dituzte.

Jubenil mailako taldeak, berriz, lidertzan jarraitzea izango du helburu 17:30etik aurrera jokatuko duen partidan. Pasa den asteburuan lehen postuan zen elgoibarri irabazi ostean, gaurkoan beste partida gogor bat izango dute. Izan ere, aurrez aurre izango duten taldea 4. postuan kokatuta dago puntu bat gutxiagorekin.

Azkenik, 1. Nazional mailan jokatzen ari den senior mailako mutilen taldeak jokatuko du Oiardon 19:30ean. Usurbildarrak liga hasiera zaila izaten ari dira. Jokalari gazteak izateaz gain lesio dexente izan dituzte tarteko, baina hala ere bi partida irabaziak dituzte. Gaurkoan beste bi puntu lortzeko aukera berria izango dute, izan ere, punturik lortu gabe azken postuan kokatuta dagoen Bidasoa Irun taldea izango dute aurrez aurre.

Gainontzeko taldeek etxetik kanpo jokatuko dute. Zilarrezko Ohorezko mailan jokatzen ari den emakumezkoen senior mailako taldeak bihar 12:30ean jokatuko du Bilbon San Adrianen aurka. Euskal ligako kadete eta jubenil mailako mutilen taldeek, berriz, Elgoibarren jokatuko dute bihar 10:00etan eta 11:30ean hurrenez hurren.

Recibe nuestras newsletters en tu email

Apúntate