Diario Vasco

Festa giroan aldarrikapen eguna izango da biharkoa Getarian

Antolatzaileak. Herriko eragile ezberdinen ordezkariak.
Antolatzaileak. Herriko eragile ezberdinen ordezkariak. / AMAXKAR
  • Herriko eragile desberdinen arteko proposamen bat izango da, herritarrei zuzendua

Herriko hainbat eragilek biharko festa giroan aldarrikapen egun bat antolatu dute. Deialdian azpimarratu dutenez, «kapitalismoak irentsi ez gaitzan Getariako zenbait elkarteek ( Getaiko Eskubide Sozialen Karta, Getaiko Gazte Asanblada, Elan Euskadi eta Getariako Udala) ahotsa altxa, marraztea eta kantatzea otu zaigu».

Eta zeren inguruan antolatu dute festa hau galdetuko dute gure irakurleak, ba argi eta garbi azaltzen digute, «TTIP/ CETA-ri ezetza emateko festa antolatu dugu, herriek erabaki ahal izateko. Gure eskubide zein lurra defendatu nahian, Bilbo, Donostia, Gasteiz eta Iruñearekin batera kalera irtengo gara jai giroan giza eskubideen zapalketa salatuz».

«Horretarako zenbait ekintza antolatu ditugu azaroak 5, larunbat honetarako. Festa giroa azpimarratuz, adin zein gustu ezberdineko jendea gonbidatzen dugu ez soilik TTIP/CETA salatzera, azken hau ezagutu eta honen inguruan iritziak eraikitzera ere» gaineratu dute eragileek.

Egitarauari dagokionez, honela prestatu dute eguna: «Goizeko 10:30etik aurrera herriko plazan izango da festa. Ordu honetatik aurrera, umeek aldarria margotu ahal izango dute. Ondoren, bertsoak festa giroari hasiera emango diote. Segidan, manifestuaren irakurketa izango da. 12:00etatik aurrera trikitilariez lagunduta giza-katea eraikitzen saiatuko gara kaleetan zehar. Bukatzeko, musikariez lagunduta kantuan egitera gonbidatzen zaituztegu. Animatu, informazioa bildu eta festaz gozatu! Kapitalismoaren morroi ez gaitezen izan!» deiarekin amaitzen dute.

Recibe nuestras newsletters en tu email

Apúntate