Diario Vasco

1. Errejional mailako taldeak 3-1 irabazi zuen Haranen Amara Berri taldearen aurka

Hirugarren. Azken 4 partidak irabazita lidertzatik gertu daude.
Hirugarren. Azken 4 partidak irabazita lidertzatik gertu daude.

Usurbil Futbol Taldeko 1. Errejional mailako taldeak beste garaipen bat lortu zuen pasa den larunbatean Harane futbol zelaian. 3-1 nagusitu ziren Amara Berri taldearen aurka eta jarraian laugarren garaipena lortu zuten.

Ondo hasi zen neurketa herriko taldearentzat, 1-0 aurretik jarri baitziren markagailuan Iñaki Ulik sartutako golari esker. Hala ere pozak ez zuen askorik iraun, donostiarrek berdinketa gola sartu baitzuten handik gutxira. Usurbildarrak, ordea, egoera buelta emateko gai izan ziren eta atsedenaldira iritsi aurretik Ugaitz Manterolak 2-1ekoa egin zuen. Bigarren zatian, herriko taldeak aldea areagotzea lortu zuen Aitor Vazquezen golari esker eta hortik aurrera gol gehiago sartzeko aukerak ere izan zituzten.

Emaitza honekin multzoko 3. postuan jarraitzen dute, baina orain 2. postuan kokatuta dagoen Iluari B taldearekin berdinduta daude. Lidertzan dagoen Vasconia, berriz, 3 puntura dute.

1. jubenil mailako taldeak ere garaipena lortu zuen igandean Donostian Ekintza A taldearen aurka jokatutako neurketan. Herriko taldeak 2-6 irabazi zuen sailkapeneko 2. postuan kokatuta zegoen taldearen aurka eta orain 5. postuan daude 2. postutik 2 puntura.

1. kadete mailako taldeak ere garaipen erraza lortu zuen larunbatean Haranen. 9-0 nagusitu ziren Santo Tomas Lizeoa B taldearen aurka.

Recibe nuestras newsletters en tu email

Apúntate