Diario Vasco
Errigorako saskiak.
Errigorako saskiak. / AMAXKAR

Errigorako saskiak eskuratzeko aukera izango da datorren asteko bi egunetan

Getariako Eskubide Sozialen Kartak Errigorako ardura herrian hartu zuenetik 3. aldia da Getarian bertan, edozein herritarrek saskia eskatzeko aukera eskainiko duena. Oraingo zita azaroak 2 eta 3an izango da, hau da, datorren asteazken eta ostegunean. Biak Plaza Berduran, arratsaldeko 18:00etatik 20:00etara jarriko duten mahaian. Saskia hartu nahi dutenak bertara agertu eta izena eman besterik ez dute izango.

Erriberako elikagaiekin osaturiko saskiak 50 euro balioko du, eta lortutako diruaren %25 Erriberan euskara sustatzeko erabiliko da. Hala, tokiko ekoizpena eta kontsumoa bultzatzeaz gain tokiko hizkuntza laguntzea xede duen egitasmoa da Errigorakoa.

Aurten berrikuntzekin dator eskaintza. Bi saski mota izango dira, elikagai eta produktu ezberdinekin, eta herritarrek bietatik nahi dutena eskatzeko aukera izango dute, bakoitzaren gustuaren arabera.

Recibe nuestras newsletters en tu email

Apúntate