Diario Vasco

Plácido Domingo eskualdean, arbasoen aztarnen bila

Ama getariarra izanda ez da harritzekoa Plácido Domingo Getariara etortzea aste honetan.
Ama getariarra izanda ez da harritzekoa Plácido Domingo Getariara etortzea aste honetan. / AMAXKAR
  • Getarian eta Aizarnazabalen izan zen tenorea, telebista saio baten bidez

Aldez aurretik ohartaraziak zeuden Aizarnazabalgo Saiatz auzoko Enbil baserriko bizilagunak Plácido Domingo tenorea bere baserrira etorriko zela asteazken arratsaldez, baina ez da gauza bera pentsatzea eta gero errealitatean berarekin egotea aurrez aurre. ETB-2ko 'Todos los apellidos vascos' programarako hautatua izan zen tenorea eta bere arbasoen aztarnak Enbil baserriraino eraman zuten; ama, Pepita Enbil, nahiz eta Getarian jaio, Aizarnazabalgo adar horretatik dator nonbait.

Olga Zabalgogeaskoa, programaren gidaria izan zen Domingoren elkarrizketa aurrera eraman zuena datu guztiak arbelean adieraziz, Euskal Herriko historian murgildu eta pertsonaia ezagunen familiako zuhaitzen aztarnen bila. Plácido Domingorekin batera Koro Arregi egon zen, Enbil baserrian bertan jaio zen azken pertsona, sinistu ezinik horrelako pertsonaia ezagutu izanaren aukera izateaz; adituen datuen arabera, Enbil baserri eraikuntzak, nahiz eta berrikuntza batzuk izan, 550 urte inguru ditu eta Aizarnazabaldik azkena atera zen Enbildarra berriz, duela 400 bat urte izango dela.

Txakolinarekin topa egin zuen Plácidok baserrian, Getaritik zetorren han ere grabaketak egin ondoren eta berehala Madrid aldera joan beharra zeukan, bizitza New York - Viena - Madriden egiten baitu gaur egun. Grabaketaren nondik norakoen ondoren, abendu aldean edo agertuko omen da telebistan. Horren berri izango dugu, eta baita Aizarnazabalgo Saiatz auzoko paisaia eder horietaz eta bertako bizilagunen adeitasunez gozatzeko ere.

Recibe nuestras newsletters en tu email

Apúntate