Diario Vasco

Keta Babyautok gol bakar bategatik galdu zuen berriro etxean

Azpeitiarrek jokaldi honetan gola egiten zuten eta bitartean Oier Idiakezen aukera gutxigatik kanpora joango zen.
Azpeitiarrek jokaldi honetan gola egiten zuten eta bitartean Oier Idiakezen aukera gutxigatik kanpora joango zen. / ARGAZKIAK AMAXKAR
  • Lagun Onak taldeak getariarrek egindako opari bat aprobetxatu zuten eta hiru puntuak eraman Mendibeltzetik

Azken hiru jardunaldietan Getariako Ketak emaitza berbera izan du, 1 eta 0 amaitu dira Urola, Soraluze eta Lagun Onak taldeen aurkako partidak. Igandean Mendibeltzen azpeitiarren bisita zuten Azpitarte eta Rauleagaren mutilek eta berriz norgehiagoka parekatua jokatu arren hiru puntuek ihes egin zuten.

Aukera gehiegirik ez zituzten izan bi taldeek lehen zatian. Zelai erdiko jokoa nagusitzen zen baina markagailua mugitzeko arrisku gehiegirik ez zuten egiten ez batak ez besteak. Bi atezainek lan gehiegirik gabe amaitu zuten lehenengo zatia eta bigarrenean ere gauzak ez zirela gehiegi aldatuko nabarmena zen.

Tamalez atzealdean eginiko huts baten ondorioz etorri zen Lagun Onak taldearen gola, Julen Azpeitiaren aurrean bakar bakarrik geratu baitzen azpeitiar aurrelaria.

Gola jaso ondoren getariarrek bihotzarekin eraso egiteari ekin zioten eta aukera gutxi batzuk izan zituzten baina aurrealdean arazoak dituzte, bereziki azken hiru partidetan (lehenengo hiruretan bina gol egitea lortu zuten eta gero besterik ez).

Gazteek ere Donostiara egindako bidaian porrota jaso zuten, 4-0.

Recibe nuestras newsletters en tu email

Apúntate