Diario Vasco

Raimundo Atxaren argazkien collageak ikusgai hilaren 28ra bitartean kultur etxean

  • 'Graffiti' izeneko erakusketa egunero egongo da zabalik

Pintore zarauztar baten ezizen artistikoa da Raimundo Atxa. Ramon Arantzabal da, berez, baina bere arte-lanerako Raimundo Atxa izena erabili du beti. Bere lanak ikusi daitezke urriaren 28a bitartean kultur etxean.

Raimundo Atxak Orion dauka pintura-estudioa eta lehen ere egin izan du erakusketaren bat herriko kultur etxean. Pintura-lanak egiten hasi zen; baina, azken aldian, argazkigintzan ere ari da, argazkiekin collageak-eta egiten.

Orioko Curriculuma Sortzen taldeak bultzatuta, autopista azpiko zutabeak margotu zituzten Orioko haurrek 2014an, herriko gaiak erabiliz. Raimundo Atxak argazkiak egin dizkie haurrek egindako irudiei eta horiek erakusten ditu 'Graffiti' izeneko erakusketan. Guztira, 25 bat argazki dira ikusi daitezkenak.

Erakusketak egunero zabaltzen ditu ateak. Kultur etxeko areto nagusia egunero dago zabalik, goizez eta arratsaldez 10:30etik 13:00etara eta 16:30etik 20:00etara.

Recibe nuestras newsletters en tu email

Apúntate