Diario Vasco

Bisita gidatua doan gaur Balenciagak Parisen bizitakoa hurbiletik ezagutzeko

Bisita. Balenciaga eta Ortiz Echagüeren lanak elkarrekin ikustera.
Bisita. Balenciaga eta Ortiz Echagüeren lanak elkarrekin ikustera.
  • Eguerdiko 12:00etan hasita, gaztelaniaz

Ondarearen Europako Jardunaldien barne bisita gidatuak antolatu dira doan 'Balenciaga etxetik kanpo' izenburupean. Lehenengoa euskaraz joan den urriak 15ean egin zen eta gaur gaztelaniaz egingo da eguerdiko 12:00etan hasita eta sarrera doan izango da.

Bisitaren helburua Getariako moda-sortzaileak Frantziako hiriburuan bizi izan zuen bidaldi profesionalera hurbiltzea da, bereziki, haren erroen eraginean arreta jarriz, erakusketa honen bidez: 'Ikatza eta belusa: Ortiz Echagüeren eta Balenciagaren begiradak herri-jantziari'. Erakusketak hiru aretotan barrena egiten duen ibilbidean, Ortiz Echagüeren eta Balenciagaren 80 artelan baino gehiago daude ikusgai. Hala, bisitariek aukera ona izango dute bi artista horiek janzkera herrikoiaz zuten ikuspegia ezagutzeko, eta bakoitzak, bere diziplinatik abiatuta, jantzi horiek nola gaurkotu eta berrinterpretatu zituen ikusteko. Erakusketa hau 2017ko maiatzaren 7ra arte egongo da ikusgai. Kontutan izan plazak mugatuak direla eta izena 943008840 telefonoan eman daitekeela.

Balenciagak 1917an ireki zuen goi-mailako joskintzako aurreneko lantegia, 22 urte baino ez zituenean. Jarduera bizi baten hasiera izan zen hura. Gerora, hainbat etxe zabaldu zituen Donostian, Madrilen eta Bartzelonan. 1936an, Parisen finkatzea erabaki zuen. Haren arrakasta berehalakoa eta eztabaidaezina izan zen bezero, moda-kritiko eta moda-argitaratzaileen artean

Recibe nuestras newsletters en tu email

Apúntate