Diario Vasco

'Goazen kalera' ekimena martxan dago dagoeneko

Lehen saioa. Asteazkenean izan zuten lehen hitzordua. Herritar ugari bildu ziren bertan.
Lehen saioa. Asteazkenean izan zuten lehen hitzordua. Herritar ugari bildu ziren bertan.
  • Pasa den asteazkenean hasi ziren nagusientzat bereziki prestatutako ibilaldi programa. Herrigunetik lau ibilbide zehaztu dituzte

Herriko nagusienen edota dibertsitate funtzionala duten usurbildarren osasuna zaindu asmoz, udalak, beste eragile ba-tzuekin batera, 'Goazen Kalera' ekimena martxan jarri zuen asteazken goizean. Ekimen horren bitartez, herritik zehar joango diren ibilbide ezberdinak planteatuko dira, ohitura osasuntsuak bultzatuz. Horretarako, asteazkenero, 11:00etan, Artzabalen izango dute hitzordua parte hartzaileek.

Lehen ibilaldia asteazkenean egin zuten antolatzaileek, eta 2017ko ekainean bukatuko da. Nahiz eta edonork duen ibilaldi horietan parte hartzeko aukera, bereziki adineko pertsonentzat eta dibertsitate funtzionala duten pertsonentzat bideratu da ekimena. Horretarako, herri gunetik lau ibilbide zehaztu dituzte antola- tzaileek, eta astero bat egingo dute.

Horrez gain, asteazkenero ibilbideak egiten dituzten heinean, zigilu batekin parte hartzaileen txartel propioak markatuko dira, eta aldizka Hurbilago merkatari eta ostalari elkartearen eskutik sorpresatxoak egongo dira.

Herriko eragileen laguntza

Astero, ibilbidea bukatu ondoren, mokadutxo bat jateko aukera egongo da Artzabalen bertan. Eguraldi txarra eginez gero, parte hartzaileak Artzabalen bertan geratuko dira, gorputza eta osasuna zain- tzeko ariketak eginez.

Ekimenak babes zabala jaso du eragile zein erakundeen aldetik. Udalaz gain, Hurbilago merkatari eta ostalari elkarteak, Eusko Jaurlaritzak eta Osakidetzak parte hartu dute. Horrez gain, Gure elkarteak, Gure Pakea eta Arrate jubilatu elkarteak, DYAk, Udarregi ikastolak, Lanbide hastapenak edota odol emaileek ere laguntza baliogarria eskaini dute.

Recibe nuestras newsletters en tu email

Apúntate