Diario Vasco

Iruña-Veleia hiri erromatarra ezagutzeko irteera igandean

Iruña Veleiaz gehiago jakin nahi duenak izena eman dezala.
Iruña Veleiaz gehiago jakin nahi duenak izena eman dezala. / BLANCA CASTILLO
  • Zestoa eta Azpeitiko mendi klubek eta Nabarralde taldeak antolatu dute txangoa

Zestoako Agiro mendi klubak, Azpeitiko Lagun Onak Mendi Taldeak eta eskualdeko Nabarralde taldeak antolatuta, Araban aurkitzen den Iruña-Veleia hiri erromatar zaharrena ezagutzeko irteera izango da igande honetan, urriak 23, zestoarrek eta azpeitiarrek elkarrekin antolatutako ekimena tarteko.

Irteera doakoa izango da, eta parte hartzen dutenek autobusez joango dira Langraitzera (Araba). Han, goizeko 11:00etan, bisita gidatua egingo dute S.O.S Iruña-Veleia taldeko kideekin, hauen azalpenak tarteko. Gero, eguerdian bakoitzak emandako bazkaria jango dute, eta arratsaldean, 15:30ean, proiekzio bat ikusi eta solasaldia izango dute gai honen inguruan.

Bisita honetan Iruña-Veleiako parajeez gozatzeko aukera izango da. Oraindik hiri erromatar zaharraren harresiak bertan jarraitzen dute.

Joan nahi dutenek izena eman beharko dute kiroldegira deituta (943147942), hori egiteko azken eguna osteguna izango delarik. Irteera goizeko 9:00etan izango da.

III. Ardo dastatzea

Urriak 22an 12:30etik 14:30ak bitartean, Lizentziadonekoa plazatxoan III. Ardo Dastaketa izango da, Laiak dendaren eskutik. Bertan hainbat ardo mota edan eta pintxo dastatzeaz gain, Ustekabe fanfarrearen doinuaz gozatu ahal izango dugu.

Futbola

Bi garaipen suertatu ziren asteburuko partidetan; bata Zestoa B gizonezko nagusien taldeak eskuratu zuen, 3-2, eta bestea kadete nesken taldeak, baita ere 3-ko emaitzarekin, biak ere Iraetan. Bestalde, berdinketak ere izan ziren, talde nagusiarena (1-1) eta kadete mutilena (2-2) biak ere Azpeitian, eta Zestoa B infantil mutilena, (1-1) Iraetan jokatutakoa. Gainontzeko taldeei galtzea suertatu zitzaien..

66koen kinto bazkaria

1966ean jaiotako herritarrek bazkaria egingo dute Araneta jatetxean, betiko legez ordua aldatzen den larunbatean, aurten urriak 29ean. Txartelak jada salgai dituzue Potxolo eta Laiak dendetan (50 euro).

Recibe nuestras newsletters en tu email

Apúntate