Diario Vasco

Hutsa bikote akustikoaren kontzertua ostiralean kultur etxean

Hutsa izeneko taldea eta Easo Gazte abesbatza herrian izango dira ostiralean.
Hutsa izeneko taldea eta Easo Gazte abesbatza herrian izango dira ostiralean.
  • Egun bertan baina elizan, Easo Gazte eta Alemaniako Mädchenchor Wiesbaden abesbatzak arituko dira

Hutsa izeneko bikote akustikoa 2010. urtean sortu zen. Balmasedako Maria Riverok (ahotsa) eta Urduñako Eriz Perezek (gitarra) osatzen dute bikotea. Beste artista batzuen kanten bertsioak egiten hasi ziren; baina berehala ekin zioten beren kantu propioak ere lan-tzeari. Sei urteko ibilbidean lau disko grabatu dituzte, azkena, 'Amnesia' izenekoa, eta ezin konta zenbat kontzertu eman dituzte Euskal Herrian barrena.

Urriaren 21ean joko dute Orioko kultur etxean, ostiralarekin, 22:30ean hasita. Emanaldia doan izango da; baina, aretoaren aforoa mugatuta dagoenez, aldez aurretik hartu behar dira gonbitak. Udalak 120 gonbita prestatu ditu eta dagoeneko eskura daitezke kultur etxean bertan. Kontzertua 'Euskaraz bizi-bizi' programaren barruan antolatu du Udalak.

Aurretik ere kontzertua

Ostiral bertan, baina lehenago, 20:00etan elizan, Easo Abesbatzako Araoz Gaztek eta Alemaniako Mädchenchor Wiesbaden abesba- tzak kontzertua emango dute. Kontzertua Orioko Udalak antolatu du, parrokiarekin eta Easo Abesbatzako kideekin elkarlanean.

Araoz Gazte abesbatza, Easo abesbatzaren bosgarren taldea da; 2004an sortu zen, eta 12 eta 17 urte bitarteko neskek osatzen dute. Abesba-tzak Gorka Miranda izan du zuzendari hasiera-hasieratik, eta urte gutxitan Gipuzkoako hainbat musika eta abesbatza jaialditan eman ditu kontzertuak.

Bestalde, Madchenchor Wiesbaden nesken abesbatza bat da. 2010ean sortu zuen Gerd Rixmann musika eta kantu irakasleak, eta integratuta dago neska eta emakumeekin lan egiten duen erakunde batean. Nesken bi koruek, emakumeen beste batek eta 'Vokalisma' izeneko talde bokalak osatzen dute elkarte hori. Elkartearen helburua nesken artean musika korala gara-tzea da.

5 urterekin hasten dira abesten koralean. 2016ko irailaz gero, Danilo Tepsa musika irakaslea eta bokalistak zuzentzen du abesbatza. Kontzertu honen sarrera ere doakoa izango da.

Recibe nuestras newsletters en tu email

Apúntate