Diario Vasco

Aristi eta Irazustabarrenak 22-20 galdu zuten Deban Mugiro eta Mariezkurrenaren aurka

Aristi eta Irazustabarrenak 22-20 galdu zuten Deban Mugiro eta Mariezkurrenaren aurka
  • Bigarren kanporaketan lehen zati bikaina egin arren azkenean edonork irabazi zezakeen eta nafarrak nagusitu ziren

Kanpoan geratu dira dagoeneko Aristi eta Irazustabarrena Bankoa Credit Agricole-EL DIARIO VASCO pilota txapelketan. 25. urteurrena betetzen du lehiaketa honek eta aurten getariar gazte bat, Gorka Aristi, hautatu zuten bertan parte hartzeko.

Lehen kanporaketa etxean lehiatu eta irabazi ondoren (22 eta 10 Iriarte eta Agirreren aurka), igande honetan Deban bigarren kanporaketa jokatzen zuten, oraingoan bikote nafar baten aurrean, Mugiro eta Mariezkurrena. Partida bikain hasi zuten getariarrak eta Alegiako atzelariak. Markagailuan 2 eta 10ekoa jartzea lortu zuten eta lan oso txukuna eginaz gainera.

Mariezkurrenak bere indarra erakutsi zuen eta Aratz arazotan sar-tzen hasi zen. Hiru sake jarraian itzuli gabe utzi zituen atzelariak eta markagailua berdintzea lortu zuten nafarrak (10-10).

Partida parekatua joan zen hortik aurrera, 16na berdindu eta 18-19 aurretik ere joan ziren. Oso partida berdindua izan zen zalantzarik gabe eta edonork irabazi zezakeen. 21-19tik 21-20 pasa ziren Gorka eta Aratz baino azken tantoa nafarrek egin zuten eta honenbestez Aristik eta Irazustabarrenak agur esaten diote txapelketari.

Enplegua

Udal Elkarteak enplegua sustatzeko 2016ko planeko lanpostuak bete-tzeko deialdia egin zuen irailean, denera 11 lanpostu eskaintzen ziren orduan. Eskabideak aurkezteko epea amaitu ondoren, lanpostu horietako bat hutsik geratu da, hain zuzen ere lan arriskuen prebentzioko teknikariaren lanpostua. Hori dela eta, Udal Elkarteak bigarren deialdia egin du.

Bigarren deialdi honetan eskabideak aurkezteko epea urriaren 21ean amaituko da. Kontratua 6 hilabetekoa eta lanaldi osokoa izango da (luzapenik gabe) eta azaroan edota abenduan hasiko da.

Ezinbestekoa da Lanbide-Euskal Enplegu Zerbitzuan langabe gisa inskribatuta egotea eta eskualdean (Getaria, Aia, Orio, Zarautz edo Zumaian) erroldatuta egotea.

Eskabidea (eta eskatzen diren gainerako dokumentuak) aurkeztu behar dira Udal Elkartearen egoitzan (Urdaneta bidea 6, 20800 Zarautz).

Urola Kostako Udal Elkarteak enplegua sustatzeko kontratazio hau egiteko diru-laguntza eskuratu du Lanbide-Euskal Enplegu Zerbitzuaren eskutik.

Recibe nuestras newsletters en tu email

Apúntate