Diario Vasco

Aniztasunaren topagune bihurtu zen Usurbil

Aurkezpena. Antolatzaileak, udal agintariak eta herrialde desberdinetako herritarrak izan ziren bertan.
Aurkezpena. Antolatzaileak, udal agintariak eta herrialde desberdinetako herritarrak izan ziren bertan.
  • Usurbilen bizi diren herrialde desberdinetako herritarrek aniztasuna aldarrikatu zuten egun osoko festa honen bidez

Hirugarren urtez jarraian aniztasunak bere tartea izan du Usurbilen. Herritar talde batek eta Udalak antolatuta, 'Usurbil herri anitza' egun osoko festa ospatu zen larunbatean herriko pilotalekuaren bueltan. Guztion elkarbizitzaren aldarrikapena egin zen ozen eta jai giroan.

Eguerdiko 12:00etan hasi zen festa ongi etorri ekitaldiarekin. Antolatzaileak, alkatea eta hainbat zinegotzi eta beraien jantzi tradizionalekin zeuden jatorri desberdinetako herritarrak izan ziren oholtza gainean aurkezpen ekitaldi honetan..

Herriko Orbeldi dantza taldeko kideak izan ziren ondoren herrialde desberdinetako banderak astindu eta fandango eta arin arina eskaini zituztenak. SOS Arrazakeriak taldekoek 'Bizilagunak' egitasmoan parte hartzeko deia ere egin zuten proiektu honen aurkezpenean eta 13.30ak aldera munduko herrialde desberdinetako herritarrek prestatutako jakiak dastatzeko aukera izan zen. Arratsaldean ere jarraipena izan zuen festak. Amaia Gonzalez Caballero dantza eskolako kideen munduko dantzen saioa izan zen lehendabizi eta Son Kandela taldearen kontzertua ondoren.

Recibe nuestras newsletters en tu email

Apúntate