Diario Vasco

Bidegorria Arroaberaino iritsi dadila eskatuz herri batzarra antolatu dute Arroabean

Bidegorria behingoz amaitzea eskatzeko izango da bilera.
Bidegorria behingoz amaitzea eskatzeko izango da bilera. / K. A.
  • Gaur, 18:30ean, Arroabeko eskolako gimnasioan izango da zita

Zumarragatik Zumaiaraino joango litzatekeen bidegorrian egiteko dagoen zati bakarra Iraeta eta Arroabea artekoa da. Horren harira, eta hainbat azalpen eskatu eta neurriak hartzeko edo bilera antolatu dute Arroabeko auzotarrek, gaur, eskolako gimnasioan izango dena, arratsaldeko 18:30ean hasita

250.000 euro

Bide gorria, edo berdearekin, jarraituz, orain bi urte, 2014ean, albiste pozgarri bat jaso genuen, non eta orduko Foru Aldundiak antolatu zuen eskualdeko bigarren partaide-tzako ekimenean, eskualdeko herritarrek Zestoa eta Zumaia arteko trenbide zaharra konpontzeko 250.000 euro bideratzea erabaki zuten, bide hau eskualdeko herritar gehienek erabiltzeko, oinez, korrika edo eta bizikletaz, izango zela ulertuz.

Diru honekin egoera tamalgarrian dauden Iraeta eta Arroabea arteko bi tunelak konpondu ahal izatea espero zen eta ahal bazen (diruak eman zezakeen ahalmen hori), hauek argiztatu eta lurra txukundu ere bai.

Orduko Foru Aldundiko aurrekontu orokorrak atzera bota baziren ere, proiektu hau onartua izan zen (aparte egin zen pleno batean, alderdi guztien onarpenarekin) eta 2015. urtean zehar, lan hauek gauzatuko zirela espero zen (tunelak enkofra-tzea eta Arroaberaino bide berdea egokitzea).

Baina orain arte lan hauek ez dira hasi ere egin. Agindutako zati hori egin dadin eskatzeko eta Narrondoko zatiarekin lotura eskatzeko eta zer egin daitekeen aztertzeko aipatutako herri batzarra egingo da gaur Arroabean.

Futbola

Talde nagusiak bihar Azpeitin jokatuko du, Garmendipeko zelaian, Lagun Onak taldearen aurka, arratsaldeko 17:30ean. Zestoa B taldeak, aldiz, etxean jokatuko du, 16:00etan, Munibe taldearen kontra.

Iraetan bihar izango diren partidekin jarraituz, goizean, 10:00etan, infantil mutilen estreinako partida izango dugu Anaitasunaren aurka, eta segidan, goizeko 11:30ean, kadete neskak Mutriku izango dute aurrez aurre.

Recibe nuestras newsletters en tu email

Apúntate