Diario Vasco

Erraustegia Erabakia plataformaren lib dub egingo da igande honetan

Erabakia. Erraustegiaren inguruan hil honetan egingo den galdeketari babesa eman zitzaion jaietan.
Erabakia. Erraustegiaren inguruan hil honetan egingo den galdeketari babesa eman zitzaion jaietan.

Igande honetan, 'Erraustegia: parte hartu eta hartu hitza' lelopean Lip dub-a antolatzen ari da Erraustegia Erabakia herri plataformatik.

Jendearen parte-hartzearekin egiten den musikazko ikus-entzunezko bideoklip bat izango da, kantu ezagun bat entzuten den bitartean, kamara batek plano batean etenik gabe ibilbide bat egingo du eta bidean partaideekin topo egingo du, abesten, dantza egiten, edo bakoitzak nahi duen espresatzeko moduarekin.

Lip dubak toma bakar batean har-tzen dira, travelling estiloa emanez, eta atentzioa denbora guztian pertsona batetik bestera igarotzen da. Kasu honetan, Fermin Muguruzaren 'Hartu dezagun hitza' abestia baliatuko da grabaketarako. Erraustegia Erabakia plataformak herritar guztiei dei egiten die ekimen hoetan parte hartzeko, baita galdeketan ere.

Ahalik eta jende gehien biltzea da asmoa; «guztioi eragiten digun proiektua da erraustegiarena eta guztion inplikazioa lortu nahi dugu herri galdeketaren garrantzia azpimarratzeko festa giroan eta umore onarekin egingo den grabazio honetan. Haur, gazte, heldu zein adineko; talde, elkarte, koadrilla, senide... guzti guztiei dei egiten die plataformak ekimen honetan parte hartzeko; guztiek parte hartzeko modukoa izango baita».

Grabazio honetarako udaletxean jarri dute hitzordua 11:00etan eta galdeketari begira ateratako kamisetekin agertzeko deialdia egin du Erraustegia Erabakia Herri Plataformak. 40 taldetik gora izango da partehartzaileen zerrenda, baina norbanako modura ere joan daiteke eta Lip-Dub-ean parte hartu. Talde bakoitzak izango duen eremua ere zehaztu dute antolatzaileek. Askatasuna plazako bolatoki gainean izango du hasiera eta dema plazan amaituko da, bertan parte hartzaile guztiak bilduko direlarik.

Berdintasun plana

Gaur 18:00etan, Berdintasun Plan berria osatzeko bigarren bilera izango da Potxoenean. Udalak herritarren eta eragile ezberdinen ekarpenak jaso nahi ditu. Helburu horrekin, sektore ezberdinekin bilerak antolatu ditu.

Recibe nuestras newsletters en tu email

Apúntate