Diario Vasco

Lan arriskuen prebentzioko teknikari batentzat lanpostua hutsik dago

Lanpostua. Lan arriskuen prebentzio teknikaria behar da.
Lanpostua. Lan arriskuen prebentzio teknikaria behar da. / AMAXKAR
  • Udal Elkarteak enplegua sustatzeko planaren barne 11 lanpostu eskaini zituen eta oraindik bat betetzeko zain dago

Udal Elkarteak enplegua sustatzeko 2016ko planeko lanpostuak betetzeko deialdia egin zuen irailean, denera11 lanpostu eskaintzen ziren orduan. Eskabideak aurkezteko epea amaitu ondoren, lanpostu horietako bat hutsik geratu da, hain zuzen ere lan arriskuen prebentzioko teknikariaren lanpostua. Hori dela eta, Udal Elkarteak bigarren deialdia egin du.

Bigarren deialdi honetan eskabideak aurkezteko epea hilaren 21ean amaituko da. Kontratua 6 hilabetekoa eta lanaldi osokoa izango da (luzapenik gabe) eta azaroan edota abenduan hasiko da. Ezinbestekoa da Lanbide-Euskal Enplegu Zerbi-tzuan langabe gisa inskribatuta egotea eta eskualdean (Getaria, Aia, Orio, Zarautz edo Zumaian) erroldatuta egotea.

Eskabidea (eta eskatzen diren gainerako dokumentuak) aurkeztu behar dira Udal Elkartearen egoitzan (Urdaneta bidea 6, 20800 Zarautz). Urola Kostako Udal Elkarteak enplegua sustatzeko kontratazio hau egiteko diru-laguntza eskuratu du Lanbide-Euskal Enplegu Zerbitzuaren eskutik.

Recibe nuestras newsletters en tu email

Apúntate