Diario Vasco

Etxebizitzen alokairuaren inguruan diru-laguntzak eskatzeko epea ireki du Zestoako Udalak

Zestoa, Azpeitia eta Azkoitiko udal ordezkariak sinatu zuen Iraurgi Berritzenekin lankidetza akordioa.
Zestoa, Azpeitia eta Azkoitiko udal ordezkariak sinatu zuen Iraurgi Berritzenekin lankidetza akordioa.

Uztaila bukaeran izan zen udalbatzan udaletxeko bi alderdiek (PNV eta Bildu) aho batez onartu bezala, udalak martxan jarri du etxebizitza alokairuei diruz laguntzeko ekimena.

Diru-laguntza hori oinarri hauetan ezarritako baldintzen arabera emango da: onuradunak gutxienez 12 hilabetetan izandako alokairu-gastua kontutan hartuta eta betiere, baldintza horiek denbora-tarte horretan mantentzen badira.

Laguntza gehien bat 18 eta 35 urte bitartekoentzat, Mugikortasun urria duten pertsonentzat, bananduta edo dibortziatuta daudenentzat, seme alabak beren kargura dituztenentzat, alargunentzat eta 70 urtetik gorakoentzat dago zuzendua. Horretaz gain 28.000,00 euro gordin urtean (eskatzaile bakarra bada) eta 35.000,00 euro gordin urtean (bi eskatzaile edo gehiago badira) diru sarrera ezin izango dira gainditu. Informazio gehiago nahi duenak (ze inprimaki aurkeztu behar diren, ze baldintza bete behar diren, abar) udaletxean eskuratu ahal izango du hau, edo Udalaren webgunean ere bai.

Langabetuei deialdia

Langabezia egoeran dauden Zestoako herritarrei zuzendutako bilera irekia egingo du Zestoako Udalak Iraurgi Berritzenekin batera. Zestoako langabezi tasa %12 ingurukoa da eta portzentaje hori jaisteko neurriak martxan jarri nahi dira. Bi atal jorratuko dira batik bat bilera honetan: Batetik, langabezia egoeran dauden herritarrentzako zerbitzuak zein diren aurkeztu nahi dira; bestetik, pertsona horien beharrak zein diren ere jaso nahi da bilera horretan. Bilera hau etzi, ostegunean, 18:30ean izango da, udaletxean.

Futbola

Zestoako talde nagusiak bigarren porrota jarraian sufritu zuen pasa den larunbatean, oraingo honetan etxean, Soraluzen liderraren aurka, 0 eta 1; hurrengo larunbatean Azpeitiarren aurkako derbya jokatuko dute ondoko herrian. Zestoa B taldeari era galtzea suertatu zitzaion, Zarautzen, 4 eta 1, Jubenilei bezala, hauek Azkotin, 2 eta 0. Kadete mutilek aldiz irabazi egin zuten, hauek ere Azkotin, 1 eta 8 eta kadete neskek galdu, Azpeitian, 4 eta 1.

Recibe nuestras newsletters en tu email

Apúntate